នៅព្រឹកថ្ងៃទី៩ ខែកុម្ភៈ ឆ្នាំ២០១៧ លោកវរៈសេនីយ៍ត្រី ជៀប គឹមឆុង អធិការរងនគរបាលស្រុកប្រាសាទសំបូរ ទទួលការងារប្រយុទ្ធប្រឆាំងគ្រឿងញៀនថ្នាក់ស្រុក ព្រមទាំងក្រុមការងារបានធ្វើការផ្សព្វផ្សាយនិងអប់រំអំពីខ្លឹមសារប្រយុទ្ធប្រឆាំងគ្រឿងញៀននៅ អនុវិទ្យាល័យព្រៃក្ដី ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ។
អ្នកចូលរួមសរុបចំនួន៣៧៩នាក់ ស្រី២១១នាក់ រួមមានលោកគ្រូ អ្នកគ្រូ និងសិស្សានុសិស្ស។ ជាលទ្ធផល សិស្សានុសិស្សអនុវិទ្យាល័យ និងលោកគ្រូ អ្នកគ្រូ ទទួលបានចំណេះដឹងថ្មីៗមួយចំនួនបន្ថែមទៀត ទាក់ទងនឹងខ្លឹមសារប្រយុទ្ធប្រឆាំងគ្រឿងញៀន និងបានប្តេជ្ញា និយាយថាទេ ចំពោះគ្រឿងញៀនទាំងអស់គ្នា ព្រមទាំងប្តេជ្ញាផ្សព្វផ្សាយអប់រំបន្តទៅដល់ប្រជាពលរដ្ឋ និងសមាជិកគ្រួសាររបស់ខ្លួននីមួយៗផងដែរ។
ដោយពលរដ្ឋអ្នកសារព័ត៌មានខេត្តកំពង់ធំ លោក ហ៊ុន ឌីម៉ូ
