នៅព្រឹកថ្ងៃទី១០ ខែកុម្ភៈ ឆ្នាំ២០១៧ មានរៀបចំវេទិកាមួយស្តីពីកិច្ចសហការបរិស្ថានសិក្សាល្អ នៅសាលាបឋមសិក្សាថ្មី ស្ថិតក្នុងភូមិថ្មី ឃុំថ្មី ស្រុកចិត្របូរី ខេត្តក្រចេះ ដែលមានការចូលរួមពីមាតាបិតាសិស្ស លោកគ្រូ អ្នកគ្រូសាលាបឋមសិក្សា តំណាងមន្ទីរអប់រំ យុវជន និងកីឡាខេត្តក្រចេះ និងអជ្ញាធរមូលដ្ឋានសរុបប្រមាណ៤០នាក់។
វេទិកានេះរៀបចំឡើងដោយអង្គការ កាហ្វដុក ក្នុងគោលបំណងដើម្បីដោះស្រាយបញ្ហាប្រឈមនៅក្នុងសាលាបឋមសិក្សាដែលទើបនឹងសាងសង់ថ្មីមួយនេះ។
បញ្ហាទាំងនោះរួមមាន៖
(១) មិនទាន់មានទីកន្លែងគ្រប់គ្រាន់សម្រាប់សិស្សសិក្សា
(២) មិនទាន់មានអនាម័យក្នងថ្នាក់
(៣) មិនទាន់មានសួនច្បារ និងខឿនជំវិញដងទង់ជាតិ
(៤) មិនទាន់មានគ្រូកីឡា និងខ្វះខាតនូវសម្ភារៈមួយចំនួនទៀតដូចជាធុងចម្រោះទឹកជាដើម។ល។
ដែលបញ្ហាទាំងនេះ ពួកគាត់លើកឡើងជូនទៅខាងអង្គការ និងមន្ទីអប់រំខេត្ត ដើម្បីគាត់ពិនិត្យនិងឆ្លើយតបតាមសណូមពររបស់គណៈកម្មាធិការនិងមាតាបីតាសិស្ស ដើម្បីសម្រួលដល់ការសិក្សារបស់កូនចៅរបស់ពួកគាត់៕
ដោយពលរដ្ឋអ្នកសារព័ត៌មានខេត្តក្រចេះ អ្នកស្រី នេត នឿន
