យុវជនទាំង២៤រូប មកពីខេត្តចំនួនពីរគឺខេត្តកំពត ខេត្តព្រះវិហារ និងរាជធានីភ្នំពេញ បានសម្តែងក្តីរីករាយនិងសប្បាយចិត្ត បន្ទាប់ពីបានចូលរួមរៀនក្នុងបណ្តុះបណ្តាលស្តីពី “ភាពជាពលរដ្ឋអ្នកសារព័ត៌មាន” រយៈពេល៣ថ្ងៃ (ពីថ្ងៃទី១៧ដល់១៩ ខែកុម្ភៈ ឆ្នាំ២០១៧) រួចមក។
ពួកគាត់បានប្តេជ្ញា យកចំណឹងដែលទទួលបានពីវគ្គបណ្តុះបណ្តាលនេះទៅអនុវត្តសរសេរព័ត៌មាននិងដំណឹងរាយការណ៍ជូនសាធារណៈជន ដោយប្រើប្រាស់ទូរសព្ទដៃនិងបណ្តាញសង្គម។
គួរជម្រាបថា វគ្គបណ្តុះបណ្តាលនេះរៀបចំដោយ មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ សហការជាមួយអង្គការសមធម៌កម្ពុជា និងបណ្តាញយុវជនកម្ពុជា និងឧតប្ថម្ភថវិកាដោយអង្គា ឌីស៊ីអេ៕
ដោយ លោក ហ៊ីម ខទៀត