មន្ទីរពេទ្យគន្ធបុប្ផាទទួលព្យាបាលកុមាររបួសក្បាល១១៨នាក់អំឡុងពេលចូលឆ្នាំខ្មែរ

មន្ទីរពេទ្យគន្ធបុប្ផាសៀមរាប (ដោយ បូ សាវី)

មន្ទីរពេទ្យគន្ធបុប្ផាសៀមរាបកាលពីពេលកន្លងទៅ

មន្ទីរពេទ្យគន្ធបុប្ឆាប្រកាសថាខ្លួនបានទទួលព្យាបាលកុមាររងរបួសក្បាល និងគ្រោះថ្នាក់ចរាចរណ៍ជាច្រើននាក់ ក្នុងរយៈពេល៣ថ្ងៃ នៃពិធីបុណ្យចូលឆ្នាំខ្មែរ។

មន្ទីរពេទ្យគន្ធបុប្ឆាប្រកាសថាខ្លួនបានទទួលព្យាបាលកុមាររងរបួសក្បាល និងគ្រោះថ្នាក់ចរាចរណ៍ជាច្រើននាក់ ក្នុងរយៈពេល៣ថ្ងៃ នៃពិធីបុណ្យចូលឆ្នាំខ្មែរ។

យោងតាមសេចក្ដីប្រកាសព័ត៌មានមន្ទីរពេទ្យគន្ធបុប្ឆាប្រកាសថា បានទទួលព្យាបាលជំងឺដល់កុមារចំនួន១១៨នាក់ ដែលភាគច្រើនរបួសក្បាល និងដោយសារគ្រោះថ្នាក់ចរាចរណ៍ ឲ្យសម្រាកនៅមន្ទីរពេទ្យគន្ធបុប្ឆាភ្នំពេញ និងមន្ទីរពេទ្យជ័យវរ្ម័នទី៧ នៅខេត្តសៀមរាប។

បើតាមសេចក្ដីប្រកាស ៥៥ភាគរយនៃកុមាររងគ្រោះទាំងនោះ ត្រូវទទួលយកការវះកាត់ជាបន្ទាន់។

យោងតាមរបាយកការណ៍សរុបឲ្យដឹងថា គិត​ត្រឹម​ឆ្នាំ២០១៦មន្ទីរពេទ្យ​គន្ធ​បុប្ផាបាន​ចំណាយ​ថវិកា​​អស់ជាង៥រយ​លាន​ដុល្លារ​ ដើម្បីជួយ​ព្យាបាល​កុមារកម្ពុជា។ បើគិតចាប់តាំងពេលបង្កើតឡើងមក ពោលគឺរយៈពេលជាង២៤ឆ្នាំមកនេះ មន្ទីរពេទ្យគន្ធបុប្ឆាបានជួយសង្គ្រោះកុមារកម្ពុជាចំនួនជាង១៦លាននាក់៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។