លោកនាយករដ្ឋមន្រ្តី ហ៊ុន សែន បានលើកឡើងថា កម្មករកម្មការិនីរោងចក្រ នឹងត្រូវបានអនុញ្ញាតឲ្យជិះរថយន្តក្រុងសាធារណៈដោយឥតគិតតម្លៃសេវារយៈពេល ២ឆ្នាំ ដោយថា ដើម្បីសម្រួលដល់ជីវិភាពរបស់ពួកគេ។
លោក ហ៊ុន សែនបានលើកឡើងបែបនេះឆ្លើយតបទៅនឹងអ្នកប្រើប្រាស់បណ្ដាញសង្គមហ្វេសប៊ុក ដែលបញ្ចេញមតិនៅក្នុងសារផ្សព្វផ្សាយនៅលើទំព័រហ្វេសប៊ុករបស់លោក ពីការជួបសំណៈសំណាលជាមួយក្រុមកម្មករកម្មការិនីជាង ៤២០០នាក់ នៅឯកោះពេជ្រ នៅព្រឹកថ្ងៃទី២០ ខែសីហានេះ។
លោកហ៊ុន សែន បានលើកឡើងថា «ក្មួយៗកម្មករទទួលបានសេវាជិះឡានក្រុងសាធារណះឥតគិតថ្លៃ ២ឆ្នាំ ពីថ្ងៃទី២០ ខែសីហា ឆ្នាំ២០១៧ ដល់ថ្ងៃទី២០ ខែសីហា ឆ្នាំ២០១៩ ដែលនឹងជួយសម្រួលដល់ការចំណាយមួយចំនួនរបស់ក្មួយៗ»។
លោកបន្ថែមថា កម្មករកម្មការិនីគ្រប់រូបអាចជិៈរថយន្តក្រុងសាធារណៈនេះបានគ្រាន់តែបង្ហាញ់កាតរបស់ខ្លួន នោះនឹងទទួលបានសេវានេះភ្លាម៕
