អនុប្រធានមន្ទីធនធានទឹកនិងឧតុនិយម ខេត្តកំពង់ធំ បានថ្លៃងថា ការបង្កើតសហគមន៍ក្នុងថ្នាក់មូលដ្ឋាន គឺជារឿងសំខាន់សម្រាប់ចូលរួមចំណែក ក្នុងវិស័យអភិឌ្ឍន៍នាៗនៅតាមឃុំ សង្កាត់។
អនុប្រធានមន្ទីធនធានទឹកនិងឧតុនិយមលោក ឡុង ពុទ្ធបូរា បានឲ្យដឹងកាលពីថ្ងៃទី ៣០ខែសីហាម្សិលមិញថា សហគមន៍គឺជាផ្នែកមួយយ៉ាងសំខាន់ សម្រាប់ចូលរួមចំណែកការងារអភិវឌ្ឍន៍លើវិស័យកសិកម្ម ដើម្បីជួយបង្កើនជីវភាពរបស់ប្រជាពលរដ្ឋឲ្យកាន់តេប្រសើឡើង។ ការថ្លែងរបស់លោក ឡុង ពុទ្ធបូរា បែបនេះធ្វើឡើងក្នុងដំណើរទស្សនៈកិច្ចមួយរបស់សហគមន៍ អូរអ្នកតាកែ ខេត្តកំពង់ធំ មកកាន់សហគមន៍កសិករប្រើប្រាស់ប្រព័ន្ធធារាសាស្ត្រអាងទឹកពន្លៃ ខេត្តបន្ទាយមានជ័យ ដែលមានសមាជិកចូលរួមប្រមាណ ៣០នាក់។
បន្ទាប់ពីបញ្ចាប់កិច្ចពិភាក្សា អនុប្រធានមន្ទីធនធានទឹកនិងឧតុនិយមលោក ឡុង ពុទ្ធបូរា បានជម្រុញនឹងលើកទឹកចិត្ត ដល់សមាជិកសហគមន៍ទាំងអស់ ឲ្យពង្រឹងសមត្ថភាពបន្ថែមទៀត ក្នុងការចូលរួមជួយអភិវឌ្ឍន៍ដល់កសិករកាន់តែប្រសើឡើង។
ដោយពលរដ្ឋអ្នកសារព័ត៌មាន ខេត្តបន្ទាយមានជ័យ លោក ភោគ សារៀម