បេក្ខជនម្នាក់សន្លប់និងបេក្ខនារីម្នាក់ទៀត​ងងឹតមុខបញ្ជូនទៅសង្គ្រោះនៅមន្ទីពេទ្យ

បេក្ខជនម្នាក់ដួលសន្លប់ និងបេក្ខនារីម្នាក់ទៀតមានអាការៈងងឹតមុខ ត្រូវបានបញ្ជូនទៅសង្គ្រោះបន្ទាន់នៅមន្ទីពេទ្យ ខណៈពេលកំពុងប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)​ នាពេលព្រឹកថ្ងៃទី ២១ ខែសីហា នេះ។

យោងតាមគេហទំព័ររបស់ អគ្គស្នងការដ្ឋានសគរបាលជាតិ ចុះផ្សាយនៅព្រឹកថ្ងៃចន្ទនេះ បានឲ្យដឹងថា បេក្ខជនម្នាក់ឈ្មោះ សន ផានិត អាយុ ១៨ឆ្នាំ បានដួលសន្លប់ខណៈពេលកំពុងប្រឡងនៅមណ្ឌលវិទ្យាល័យទួលទំពួង ត្រូវបានបញ្ជូនទៅសង្គ្រោះបន្ទាន់នៅមន្ទីពេទ្យរិស្ស៊ី។ ដោយឡែកនៅឯមណ្ឌវិទ្យាល័យហ៊ុន សែនស្វាយអន្ទរ ខេត្តព្រៃវែងវិញ ក៏មានបេក្ខនារីម្នាក់ឈ្មោះ លាង ចាន់ថន មានអាការៈងងឹតមុខ នឹងត្រូវបានសង្គ្រោះបឋមដោយក្រុមគ្រូពេទ្យដែរ។

ក្រសួងអប់រំ បានបញ្ជាក់ថា នៅតាមមណ្ឌលមួយចំនួន ក៏មានបញ្ហាសុខភាពដូចជា វិលមុខ ខ្យល់គរ ក្អួតជាដើម ក្នុងអំឡុងពេលដំណើរការប្រឡងសញ្ញាបត្រមធ្យមសិក្សាទុតិយភូមិនេះដែរ។ ក្រសួងថា បេក្ខជនដែលបញ្ជូនទៅសង្រ្គោះនៅមន្ទីពេទ្យទាំង ២ខាងលើ បានវិលត្រឡប់មកចូលរួមការប្រឡងធម្មតាហើយ។

ដោយពលរដ្ឋអ្នកសារព័ត៌មាន ខេត្តពោធិ៍សាត់ លោក ម៉ាប់ ស៊ុយ

Facebook
Twitter
Telegram
LinkedIn

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។