ប្រធានសហគមន៍ កសិករប្រើប្រាស់ប្រព័ន្ធធារាសាស្រ្តអាងទឹកពន្លៃ ក្នុងខេត្តបន្ទាយមានជ័យ បានដឹកនាំកម្លាំងក្រុមការងារចំនួន ២០នាក់ ចុះធ្វើសកម្មភាពកាប់សំអាតព្រៃនៅតាមជើងទំនប់អាងទឹក នឹងកំណត់ព្រុំព្រទល់ ដើម្បីការពារ ការរំលោភបំពានធ្វើជាកម្មសិទ្ធឯកជន។
អនុប្រធានទី ១នៃសហគមន៍កសិករប្រើប្រាស់ប្រព័ន្ធធារាសាស្ត្រអាងទឹកពន្លៃ លោក មើន នោ បានឲ្យដឹងកាលពីថ្ងៃទី ០១ខែតុលាថា ទំនប់អាងទឹកពន្លៃ មានប្រវែង ៥៦៧៥ម៉ែត្រ ស្ថិតនៅភូមិពន្លៃ ឃុំពន្លៃ ស្រុកភ្នំស្រុក។ លោកបានបញ្ជាកថា «គោលបំណងថ្ងៃនេះដើម្បីរក្សាទំហំជើងទំនប់កុំឲ្យមានការរំលោភយកជាកម្មសិទ្ធិឯកជន»។
លោក មើន នោ បានបន្ថែមទៀតថា ទំនប់អាងទឹកពន្លៃមានសារៈសំខាន់ពី ទីមួយគឺសម្រាប់ផ្គត់ផ្គង់ទឹកស្រោចស្រោបលើផ្ទៃស្រែ និងមួយទៀតគឺជាផ្លូវយ៉ាងសំខាន់សម្រាប់ប្រជាពលរដ្ឋធ្វើដំណើរឆ្លងកាត់។
មន្ត្រីមន្ទីធនធានទឹកនិងឧតុនិយម ខេត្តបន្ទាយមានជ័យ លោក ទឹម ណារុង បានផ្តល់ផែនការ និងផ្តល់ជាថវិការបន្តិចបន្តួចដល់សហគមន៍ សម្រាប់គម្រោងថែទាំនិងជួសជុល ទំនប់អាងទឹកពន្លៃនេះបន្តទៀត។ទំនប់អាងទឹកមានប្រវែងសរុប ៥៦៧៥ ម៉ែត្រ ដែលមានទីតាំងស្ថិតនៅភូមិ ពន្លៃ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។
ដោយពលរដ្ឋអ្នកសារព័ត៌មាន ខេត្តបន្ទាយមានជ័យ លោក ភោគ សារៀម និងអ្នកនាង ឆោម និមល
