អន្តរជាតិ

អតីតអគ្គលេខាធិការអាស៊ាន លោក សុរិន្ទ ពិតសុវណ្ណ ស្លាប់នៅរសៀលថ្ងៃនេះ

លោក ឌិត សុខធី
| ៣០ វិច្ឆិកា ២០១៧
ម៉ោង ១៦:២៨

សារព័ត៌មានថៃ បានចុះផ្សាយនៅថ្ងៃនេះថា អតីតអគ្គលេខាធិការអាស៊ាន លោក សុរិន្ទ ពិតសុវណ្ណ បានស្លាប់នៅរសៀលថ្ងៃនេះ ក្នុងអាយុ ៦៨ឆ្នាំ ដោយរោគគាំងបេះដូង។

កាសែតបាងកក ប៉ុស្តិ៍ បានរាយការណ៍ថា លោក សុរិន្ទ បានដួលនៅពេលលោកត្រៀមថ្លែងនៅកម្មវិធី Thailand Halal Assembly ឆ្នាំ២០១៧ នៅតំបន់បាងណា ជាយក្រុងបាងកក។

បើតាមសេចក្ដីរាយការណ៍របស់បាងកក ប៉ុស្តិ៍ លោក សុរិន្ទ ត្រូវបានគេប្រញាប់ប្រញាល់បញ្ជូនទៅមន្ទីរពេទ្យរ៉ាមកំហែង ប៉ុន្តែ ក្រោយមក ត្រូវបានគេប្រកាសថា បានស្លាប់។

លោក សុរិន្ទ បានកាន់តំណែងជាអគ្គលេខាធិការអាស៊ានចាប់ពីឆ្នាំ២០០៨ ដល់ឆ្នាំ២០១២ ជាពេលដែលកម្ពុជា និងថៃ មានជម្លោះប្រដាប់អាវុធនឹងគ្នាជុំវិញបញ្ហាព្រំដែន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។