ហ្វីលីពីនតវ៉ាប្រឆាំងមូលដ្ឋានទ័ពអាកាសរបស់​ចិននៅសមុទ្រខាងត្បូង

មន្ត្រីរបស់ហ្វីលីពីនថ្លែងថា ពួកគេនឹងតវ៉ាផ្នែកការទូត ប្រឆាំងទៅនិងការកសាងមូលដ្ឋានទ័ពអាកាសនៅសមុទ្រចិនខាងត្បូងដោយសារ ទីនោះជាកន្លែងផ្លូវទឹកដែលមមាញឹកខាងធ្វើមុខជំនួញ ហើយត្រូវរៀបចំឲ្យទៅជាកន្លែងសន្តិភាព។​

ចិននៅតែបន្តធ្វើសកម្មភាពកសាងមូលដ្ឋានទ័ពជាបន្តបន្ទាប់ បើទោះបីជាមានការជំទាស់ពីប្រទេសហ្វីលីពីន  ប្រទេសវៀតណាម និង បណ្តាលប្រទេសផ្សេងៗពាក់ព័ន្ធជម្លោះនេះក៏ដោយ។​

ចំណែកសហរដ្ឋអាមេរិក​ក៏បានថ្កោលទោសចិន​ចំពោះការកសាងមូលដ្ឋានទ័ពនៅផ្លូវទឹកសម្រាប់ធ្វើជំនួញនេះ ដែរ ប៉ុន្តែមិនអាចរារាំងចិនបានទេ។​

រដ្ឋមន្ត្រីការពារជាតិហ្វីលីពីនលោក​ Delfin Lorenzana  ថ្លែងថា កន្លងទៅ​ចិនធ្លាប់ថ្លែងថា មិនរៀបចំតំបន់មានជម្លោះនោះឲ្យទៅជាមូលដ្ឋានទ័ពនោះទេ ហើយលោកថា ពេលនេះចិនបែរធ្វើជាមូលដ្ឋានទ័ពទៅវិញ ហើយ​ហ្វីលីនកំពុងតែរៀបចំក្នុងការតវ៉ាផ្នែកការទូតប្រឆាំងសកម្មភាពនេះ​​។​ នេះបើតាមសារព័ត៌មាន​Strait Time។​

ចំណែកអ្នកនាំពាក្យក្រសួងការបរទេសចិនលោក​Lu Kangថ្លែងថា ការកសាងមូលដ្ឋានទ័ពនៅលើកោះនោះគឺដើម្បីការពារសុខសន្តិភាពនៅក្នុងតំបន់ ហើយមិនមានបំណងគំរាមកំហែងភាគីណាមួយនោះទេ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ