ស្ថានទូតកម្ពុជាប្រចាំនៅប្រទេសថៃ បានប្រកាសផ្អាកការផ្តល់លិខិតឆ្លងដែន និងប័ណ្ណពលករធ្វើការងារក្រៅប្រទេសនៅសប្តាហ៍ក្រោយនេះ។
ក្នុងសេចក្តីជូនដំណឹងកាលពីថ្ងៃម្សិលមិញនេះ ស្ថានទូតកម្ពុជាប្រចាំនៅប្រទេសថៃ បានឲ្យដឹងថា ការិយាល័យផ្តល់លិខិតឆ្លងដែន ឬលិខិតធ្វើដំណើរ ហៅកាត់ថា TD និងប័ណ្ណពលករកម្ពុជាទៅធ្វើការនៅបរទេស (OCWC)ប្រចាំនៅខេត្តរ៉ាក់យ៉ង និងឆាក់ឈើងសាវ នឹងផ្អាក់ផ្តល់លិខិតឆ្លងដែន និងប័ណ្ណធ្វើការដល់ពលករខ្មែរធ្វើការនៅក្រៅប្រទេសចាប់ពីថ្ងៃចាប់ពីថ្ងៃទី១៥ ខែមករា ឆ្នាំ២០១៨នេះទៅ។
ក្នុងលិខិតនោះ ស្ថានទូតកម្ពុជាបានអំពាវនាវទៅដល់ពលករខ្មែរកំពុងស្នាក់នៅ និងធ្វើការក្នុងប្រទេសថៃទាំងអស់ ដែលមិនទាន់ដាក់ពាក្យស្នើសុំនោះ អាចបន្តទំនាក់ទំនង និងដាក់ពាក្យស្នើសុំដកឯកសាររបស់ខ្លួន នៅលេខាធិការដ្ឋានអចិន្ត្រៃយ៍របស់គណៈកម្មការផ្តល់ភាពស្របច្បាប់ដែលមានទីតាំងនៅស្ថានទូតកម្ពុជាប្រចាំប្រទេសថៃ ឬអាចទំនាក់ទំនងព័ត៌មានលម្អិតបន្ថែមពីមន្ត្រីស្ថានទូតកម្ពុជានៅទីក្រុងបាងកក តាមរយៈលេខទូរស័ព្ទ ០២៩ ៥៧៥ ៨៥១/០៩២ ៨០៥ ០៥៦១/០៩៤ ០៩២ ៥៩០៥/០៨៦ ៧៩៩ ៩៩៥៧/០៦៤ ៧៥៤ ៧៤០១៕
