លោក មូន ជែអ៊ីន ថាការលុបនុយក្លេអ៊ែជាផ្លូវនាំសន្តិភាពនៅឧបទ្វីបកូរ៉េ

មេដឹកនាំកូរ៉េខាងត្បូងលោក មូន ជែអ៊ីន ថ្លែងថា ផ្លូវដែលនាំឲ្យមានសន្តិភាពនៅក្នុងឧបទ្វីបកូរ៉េ និងជាគោលដៅរួមនោះ គឺការលុបបំបាត់កម្មវិធីអាវុធនុយក្លេអ៊ែ ដែលកំពុងតែមានការព្រួយបារម្ភថា បង្កឲ្យមានអសន្តិសុខនៅក្នុងតំបន់។​

ការថ្លែងរបស់មេដឹកនាំកូរ៉េខាងត្បូងធ្វើឡើងកាលពីថ្ងៃពុធម្សិលមិញ។ នេះបើតាមទីភ្នាក់ងារព័ត៌មាន​ AFP​។

ការថ្លែងនេះ ក្រោយពេលដែលកូរ៉េខាងជើង​បញ្ជូនក្រុមការងារទៅចូលរួមការប្រកួតកីឡាអូឡិកពិករដូវត្រជាក់  ហើយប្រតិភូមិ​នៃប្រទេសទាំងពីរបានជួបគ្នានៅតំបន់ផានមុនជុំ ទន្ទឹមនឹងនេះ កូរ៉េទាំងពីក៏បើកផ្លូវឲ្យថ្នាក់ដឹកនាំយោធាជជែកគ្នាធម្មតាវិញ។​

នៅក្នុងសន្និសីទសារព័ត៌មាន​ម្សិលមិញ លោក មូន ជែអ៊ីន ថ្លែងថាសន្តិភាពគឺត្រូវដោះស្រាយបញ្ហាកម្មវិធីអាវុធនុយក្លេអ៊ែរបស់កូរ៉េខាងជើង។​

កូរ៉េខាងជើង​បានប្រកាសផ្តាច់ទំនាក់ទំនងក្នុងការជជែកគ្នាជាមួយមេដឹកនាំកូរ៉េខាងត្បូងកាលពីចុងឆ្នាំ២០១៥ ហើយប្រទេសនេះក៏បាន​ផ្អាកឈប់ចូលរួមកីឡាអូឡាំពិករដូវត្រជាក់តាំងពីឆ្នាំ១៩៩៨។ ចំណែកសញ្ញាចុងក្រោយនេះគេមើលឃើញថា ហាក់មានសញ្ញាល្អនៅក្នុងឧបទ្វីបកូរ៉េដោយសារលោក គីម ជុងអ៊ុន បានផ្តាស់ប្តូរឥរិយាបថទាំងនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ