អាជ្ញាធរ​ឧតុនិយម​ថា ខេត្ត​មួយ​ចំនួន​នឹង​រង​ភ្លៀង​ធ្លាក់​កក់​ខែ​ថ្ងៃ​នេះនិង​ស្អែក

ក្រសួងធនធានទឹក និងឧតុនិយម បាន​ប្រកាស​ថា ខេត្តមួយចំនួននៃប្រទសកម្ពុជា អាចនឹងមានភ្លៀងកក់ខែធ្លាក់បន្តទៀត បើទោះជាព្យុះសាន់បា បាន​ថម​ថយ​ឥទ្ធិពល​របស់​ខ្លួន​​នៅ​ក្នុង​សប្តាហ៍នេះ​ក៏​ដោយ។

ក្រសួងធនធានទឹក និងឧតុនិយម បាន​ប្រកាស​ថា ខេត្តមួយចំនួននៃប្រទសកម្ពុជា អាចនឹងមានភ្លៀងកក់ខែធ្លាក់បន្តទៀត បើទោះជាព្យុះសាន់បា បាន​ថម​ថយ​ឥទ្ធិពល​របស់​ខ្លួន​​នៅ​ក្នុង​សប្តាហ៍នេះ​ក៏​ដោយ។

ក្នុង​សេចក្តីជូនដំណឹងកាលពីម្សិលមិញ ក្រសួងធនធានទឹក ឲ្យដឹងថា មកដល់ពេលនេះព្យុះសាន់បាបានអស់ឥទ្ធិពលទាំងស្រុងហើយ ប៉ុន្តែ ខ្យល់សមុទ្រដែលបក់មកពីទិសខាងកើត និងកម្រិតសម្ពាធទាបខ្សោយដែលកំពុងបង្កើនឥទ្ធិពល នឹងបង្កជាភ្លៀងកក់ខែពីមធ្យមទៅច្រើននៅថ្ងៃទី២២និង២៣ កុម្ភៈនេះ។

ក្រសួង​បាន​បន្ថែម​ថា ខេត្តក្រុងដែលអាចទទួលរងភ្លៀងកក់ខែមានដូចជា ភ្នំពេញ កំពង់ឆ្នាំង ពោធិសាត់ បាត់ដំបង ប៉ៃលិន សៀមរាប កណ្តាល កំពង់ស្ពឺ តាកែវ ស្វាយរៀង ព្រៃវែង និងបណ្តាខេត្តតាមមាត់សមុទ្រ៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។