រុស្ស៊ីព្រមានអាមេរិកករណីបាញ់អាវុធគីមីនៅស៊ីរី

រុស្ស៊ីបានព្រមានសហរដ្ឋអាមេរិកថា បើសិនជាមានការណីអន្តរាគមន៍យោធាដោយខុសច្បាប់ណាមួយកើតឡើងនៅក្នុងប្រទេសស៊ីរីនោះ គឺសហរដ្ឋអាមេរិកខ្លួនឯងជាអ្នកទទួលខុសត្រូវ។​

បេសកជនរបស់ទីក្រុងមូស្គូនៅអង្គការសហប្រជាជាតិ​លោក ​Vasily Nebenzia បានលើកឡើងសារព្រមាននៅក្នុងកិច្ចប្រជុំ​មួយកាលពីម្សិលមិញ។​លោក ក៏បានជំរុញ​អាមេរិកត្រូវជៀសវាងការប្រើប្រាស់កម្លាំងយោធាដើម្បីដោះស្រាយបញ្ហាទាំងនេះ។​ នេះបើតាមសារព័ត៌មាន​BBC។​

ទោះយ៉ាងណាប្រទេសលោកខាងលិចបានព្រមព្រៀងគ្នាថា នឹងវាយប្រហារឆ្លើយតបរដ្ឋាភិបាលស៊ីរីនៅក្នុងទីក្រុងDouma ជាកន្លែងដែលស៊ីរីបាញ់អាវុធគីមី។​

ប្រធានាធិបតីបារាំងលោក អ៊ីម៉ាណូអ៊ែល ម៉ាក្រុន(Emmanuel Macron) ថ្លែងថា ក្រុមលោក​ត្រៀមលក្ខណៈវាយប្រហាររួមគ្នាទៅកាន់រដ្ឋាភិបាលស៊ីរី។​

សហរដ្ឋអាមេរិកកំពុងតែគៀងគរឲ្យមានការគាំដើម្បីស៊ើបអង្កេត និងចាត់វិធានការប្រឆាំងរដ្ឋាភិបាលស៊ីរីករណីប្រើប្រាស់អាវុធគីមី ប៉ុន្តែសំណើនេះត្រូវបានរុស្ស៊ីជំទាស់ ចំណែកចិនអនុប្បវាទ។​

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ