តុលាការកាត់ទោសយោធាមីយ៉ាន់ម៉ាចំនួន៧នាក់ឲ្យជាប់ពន្ធនាគារម្នាក់ៗចំនួន១០ឆ្នាំ និងត្រូវធ្វើការងារជាទម្ងន់ បន្ទាប់ពីរកឃើញថា អ្នកទាំងនេះជាប់ពាក់ព័ន្ធករណី សម្លាប់រង្គាលលើជនជាតិភាគតិចនៅរដ្ឋភាគខាងជើងកាលពីខែកញ្ញាឆ្នាំមុន។
ក្នុងសេចក្តីថ្លែងការរបស់មេដឹកនាំយោធានៃប្រទេសនេះ បានលើកឡើងថា យោធាទាំង៧នាក់នោះ បានចូលរួមធ្វើសកម្មភាពនៃការធ្វើទារុណកម្មប្រឆាំង លើជនជាតិភាគតិចរ៉ូហ៊ីងយ៉ា។
អ្នកសារព័ត៌មានរ៉យទ័រចំនួនពីរនាក់ដែល ធ្វើអត្ថបទស៊ើបអង្កេតករណីសម្លាប់លើជនជាតិរ៉ូហ៊ីងយ៉ា ត្រូវបានតុលាការចាប់ខ្លួនកាលពីចុងឆ្នាំ២០១៧ ហើយបន្តឃុំដល់បច្ចុប្បន្នចោទថា ធ្វើឲ្យប៉ះពាល់កិច្ចការសម្ងាត់របស់ជាតិ។
ជនជាតិរ៉ូហ៊ីយ៉ាងប្រមាណ៧០០ ០០០នាក់ បានរត់គេចចេញពីរដ្ឋរ៉ាឃីន ទៅប្រទេសបង់ក្លាដេស ដើម្បីគេចចេញពីការកាប់ស្លាប់។ ក្រោយសកម្មភាពនេះកើតឡើងមីយ៉ាន់ម៉ាទទួលរងសម្ពាធយ៉ាងខ្លាំងពីសហគមន៍អន្តរជាតិ។
តាមរបាយការណ៍នានារបស់អង្គការដែលស្រាវជ្រាវបង្ហាញថា យោធាបានដុតផ្ទះ បាញ់សម្លាប់ លួចសម្ភារ និងការរំលោភបំពានផ្លូវភេទជាដើម។
