មេដឹកនាំកូរ៉េខាងជើងនិងកូរ៉េខាងត្បូង អាចនឹងជួបជាមួយលោក ដូណលត្រាំ ប្រធានាធិបតីសហរដ្ឋអាមេរិកនៅថ្ងៃទី១២ខែមិថុនា ខាងមុខនេះនៅក្នុងប្រទេសសិង្ហបុរីដើម្បីដោះស្រាយបញ្ហាកម្មវិធីអាវុធនុយក្លេអ៊ែរបស់កូរ៉េខាងជើង។
ទីភ្នាក់ងារព័ត៌មានរដ្ឋកូរ៉េខាងត្បូង យ៉ុង ហាប់ ចុះផ្សាយថា នៅថ្ងៃចន្ទនេះ ក្រុមការងារកំពុងតែពិភាក្សាក្នុងការរៀបចំការចេញដំណើររបស់លោក មូន ជែអ៊ីន ចូលរួមការប្រជុំជាមួយលោក គីម ជុងអ៊ុន និង លោក ដូណល ត្រាំ នៅថ្ងៃទី១២ខែមិថុនា។
ជំនួបរវាងថ្នាក់ដឹកនាំកំពូល៣ប្រទេសនេះ គឺជាការស្នើឡើងរបស់លោក គីម ជុងអ៊ុន និង មូន ជែអ៊ីនកាលពី ជំនួបមេដឹកនាំកូរ៉េទាំងពីរកាលពីថ្ងៃទី២៧ខែមេសា។
មេដឹកនាំកូរ៉េខាងត្បូងលោក មូន ជែនអ៊ីន ថ្លែងថា ក្នុងជំនួបរវាងមេដឹកនាំកូរ៉េខាងជើង និងមេដឹកនាំអាមេរិកទទួលបានជោគជ័យក្នុងការដោះស្រាយបញ្ហាចំពោះមុខនោះគឺជាការចាំបាច់ដែលត្រូវមានការចូលរួមពីរលោក។
លោក ត្រាំ និង លោក គីម ជុងអ៊ុន ហាក់មានការផ្លាស់ប្តូរដោយសារតែអាក់អន់ចិត្តគ្នាមួយចំនួនគឺកាលពីថ្ងៃព្រហស្បតិ៍សប្តាហ៍មុនលោក ត្រាំប្រកាសលុបចោល ការជួបនោះ ប៉ុន្តែក្រោយមកនៅថ្ងៃអាទិត្យម្សិលមិញ លោកត្រាំថ្លែងថា ក្រុមការងាររបស់លោកបានធ្វើដំណើរទៅប្រកាន់ប្រទេសកូរ៉េខាងជើងដើម្បីជជែករៀបចំជំនួបនៅថ្ងៃទី១២ខែមិថុនា។