ស្ត្រីម្នាក់ត្រូវបានបុរសជាប្តីផឹកស្រាស្រវឹងរករឿងទាញពូថៅកាប់បណ្ដាលឲ្យរងរបួសធ្ងន់។ ករណីហិង្សារកើតឡើងនៅថ្ងៃទី៣១ ខែឧសភា ឆ្នាំ២០១៨ ម៉ោង២១.១០នាទីយប់ នៅភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ។
សមត្ថកិច្ចបានឲ្យដឹងថាជនរងគ្រោះមានឈ្មោះ ឆន ស្រី ភេទស្រី អាយុ ៤៣ឆ្នាំ រីឯជនសង្ស័យត្រូវជាប្តីមានឈ្មោះ រួន រ អាយុ ៤០ឆ្នាំ មុខរបរកសិករ ។
នៅព្រឹកថ្ងៃទី០២ ខែមិថុនា ឆ្នាំ២០១៨នេះកម្លាំងនគរបាលនៃអធិការដ្ឋាននគរបាលស្រុកស្ទោង ចាប់បញ្ជូនខ្លួនជនសង្ស័យ ទៅផែនព្រហ្មទណ្ឌខេត្តដើម្បីចាត់ការបន្ត ។
តាមការបំភ្លឺរបស់ជនរងគ្រោះបានបញ្ជាក់ថា÷នៅយប់ថ្ងៃទី៣១.០៥.២០១៨ ប្តីខ្លួនបានមកពីផឹកស៊ី មានសភាពស្រវឹង ហើយបានរករឿងឈ្លោះគ្នាជាមួយប្រពន្ធ ទើបបណ្តាលឲ្យកើតជាអំពើហិង្សារ ហើយបានយកពូថៅកាប់មកលើខ្លួនមួយកន្លែងចំក្បាល ផ្នែកខាង ក្រោយ បណ្តាលឲ្យមាន របួសមួយកន្លែង ប្រវែង ៣ ស,ម ដោយមានឈាមហូរខ្លាំងពេក ក៏ទៅសំរាកព្យាបាល នៅមន្ទីពេទ្យបង្អែកស្រុកស្ទោង។
ដោយលោក ហ៊ុន ឌីម៉ូ