ប្រទេសសឹង្ហបុរីបានប្រកាសថាខ្លួននឹងព្យួរទណ្ឌកម្មប្រឆាំងនឹងកូរ៉េខាងជើងក្នុងអំឡុងពេលជំនួបកំពូលរវាងមេដឹកនាំអាមេរិកលោក ដូណាល់ត្រាំនិងមេដឹកនាំកូរ៉េខាងជើងលោក គីម ជុងអ៊ុននៅសឹង្ហបុរីនាថ្ងៃទី១២ខែមិថុនានេះ។
យោងតាមការចុះផ្សាយរបស់ទីភ្នាក់ងារសារព័ត៌មានជប៉ុនNHK សឹង្ហបុរីបានប្រកាសថាការព្យួរទណ្ឌកម្មនេះមានសុពលភាពត្រឹមតែពីថ្ងៃទី៩ដល់ថ្ងៃទី១៤ខែមិថុនា តែប៉ុណ្ណោះ។
សឹង្ហបុរីបានចូលរួមជាមួយសហគមន៍អន្តរជាតិក្នុងការដាក់ទណ្ឌកម្មប្រឆាំងកូរ៉េខាងជើង ចាប់តាំងពីខែវិច្ឆិកាឆ្នាំមុនមកម្ល៉េះ។