ធនាគារជាតិនៃកម្ពុជា ដែលអ្នកខ្លះហៅថា បង់ក្រហម នឹងសាងសង់អាគារស្នាក់ការថ្មីរបស់ខ្លួន លើទីតាំងបច្ចុប្បន្ន នាពេល ឆាប់ៗខាងមុខ។ នេះបើតាមហ្វេសប៊ុក ធនាគារជាតិ។
ហ្វេសប៊ុកធនាគារជាតិបានឲ្យដឹងកាលពីម្សិលមិញថា អគារថ្មីនោះនឹងយកលំនាំរចនាបថប្រាសាទភ្នំ ដែលបង្ហាញពីវប្បធម៌ខ្មែរ ភាពរឹងមាំ ទំនើប និងការរីកចម្រើននៃវិស័យធនាគារ នាពេលបច្ចុប្បន្ន។
ហ្វេសប៊ុកធនាគារជាតិបន្តទៀតថា ការសាងសង់អគារធំថ្មីនេះ ធ្វើឡើងស្របពេលដែលវិស័យសេដ្ឋកិច្ច និងធនាគារមានការរីកចម្រើន។ ធនាគារជាតិនៃកម្ពុជា (បង់ក្រហម) ដែលមានតាំងពីឆ្នាំ១៩៥៤ ត្រូវបានបំផ្លាញនាសម័យខ្មែរក្រហម។ អគារបច្ចុប្បន្ន ជាអគារដែលសាងសង់ឡើងនៅឆ្នាំ១៩៩០។
