អ្នកស្រី បួន ធឿន មានអាយុប្រហែល ៣៥ឆ្នាំ រស់នៅ ភូមិ ថ្មី ឃុំទីពោ ស្រុក សន្ទុក ខេត្តកំពង់ធំ ជាអ្នកធ្វើនំពងអន្សង ហើយទូលដើរលក់ នៅក្នុងភូមិ។
អ្នកស្រីមានប្រសាសន៍ថា៖«ការចូលរួមការងាសង្គមច្រើន ធ្វើឲ្យខ្ញុំលែងមានអំពើហិង្សានិងមានការយោគយល់ ទៅវិញទៅមក កាលដើមឡើយគ្រួសារខ្ញុំឈ្លោះគ្នារាល់ថ្ងៃ រកព្រឹកខ្វះល្ងាច មានការរើសអើងពីអ្នកភូមិ ប្តីផឹកខ្ញុំខឹងជេស្ទើតែរាល់ថ្ងៃ រំខានដល់អ្នកជិតខាងនាំឲ្យគេមិនចង់មើលមុខខ្ញុំ»។
អ្នកស្រីបន្តទៀតថា ក្រោយមកអង្គការទស្សនៈពិភពលោកបានអញ្ជើញខ្ញុំព្រមទាំងប្តីផង ទៅចូលរួមវគ្គបណ្តុះបណ្តាលមួយហៅថាគ្រួសាររីករាយ ចំនួនពីរថ្ងៃ ចាប់តាំងពីពេលនោះមកគ្រួសារខ្ញុំក៌លែងឈ្លោះគ្នា ក្រោយមកដោយបានអង្គការជួយជាសម្ភារៈ និងថវិការខ្លះទើបមានមុខរបរធ្វើនំលក់រហូតដល់សព្វថ្ងៃនេះ ។
លោក វេង បូផាន់ បុគ្គលិកអង្គការទស្សនៈពិភពលោកបានមានប្រសាសន៌ថា អង្គកាយើងបានជួយដល់គ្រួសារអ្នកស្រី បួន ធឿនបើគិតទឹកប្រាក់អស់ចំនួន500$ ហើយក៏មានគ្រួសារផ្សេងទៀត នៅភូមិផ្សេងទៀតក៏មានការផ្លាស់ប្តូរដោយអង្គការបានជួយជាសម្ភារៈដូចៗគ្នា ។
សូមរំលឹកថា ឥឡូវនេះគ្រួសារអ្នកស្រី បួន ធឿន មានជំរក មានម៉ូតូ កូនបានចូលរៀននៅសាលាបើមានកិច្ចប្រជុំភូមិអ្នកស្រីចូលរួមដូចគេឯងដែរ។
ដោយលោក ជៀម វឿន ពលរដ្ឋអ្នកសារព័ត៌មាន ខេត្ត កំពង់ធំ