បើតាមការអះអាងរបស់ប្រជាពលរដ្ឋ និងកុមារីមួយចំនួន បានឲ្យឃើញថានៅក្នុងសាលាបឋមសិក្សា ភូមិថ្មី ឃុំទីពោ ស្រុកសន្ទុក ខេត្តកំពង់ធំ សិស្សស្រីៗនិងអ្នកគ្រូៗគ្មានកន្លែងបន្ទោបង់ឡើយ។ មូលដោយសារតែបង្គន់ខូច ចាស់ ដាច់ទ្វា និងអាងទឹកមិនអាចដាក់ទឹកបាន កន្លែងលាងក៏គ្មាន អណ្តូងលូក៏គ្នាគម្រប ហើយមានសម្រាម ដបទឹកសុទ្ធអណ្តែតពាសពេញអណ្តូងទៀតផង ទើបធ្វើឲ្យសិស្សបន្ទោបង់ពាសវាលពាសកាលគ្មានអនាម័យ។
ម្តាយកុមារីម្នាក់ឈ្មោះ ហ៊ន សុកធីន បានត្អូញត្អែថា៖«កូនខ្ញុំឈ្មោះ សុន បញ្ញាថ្ងៃមួយនាងឈឺពោះយ៉ាងខ្លាំង អ្នកគ្រូប្រចាំថ្នាក់របស់វាបានឌុបយកមកឲ្យខ្ញុំដល់ផ្ទះ ហើយវាចង់រកក្អួតទើបខ្ញុំយកទៅពេទ្យចាក់ថ្នាំ និងព្យួរសេរ៉ូមសម្រាកមួយអាទិត្យ ទើបមានកម្លាំងទៅរៀនវិញខ្ញុំប្រយ័ត្នណាស់ដាក់ទឹកឲ្យកូនផឹក ទៅរៀនរៀងរាល់ថ្ងៃតែនូវតែវាឈឺបាន»។
កុមារី សុន បញ្ញា អាយុៈ៧ឆ្នាំរៀនថ្នាក់ទី២បានត្អូញថា៖«គេប្រុសគេត្រង់ណាក៏បានចំណែកយើងស្រីទៅឆ្ងាយបានហ៊ានបត់ជើង»។
លោក ឌី គឹមហាក់ នាយកសាលាធ្លាប់បានត្អូញថា៖ សិស្សឲ្យតែរៀនដល់ថ្មាក់ទី៣ សិស្សខ្លះក៏ទៅរៀននៅទីពោ ។
លោកមានប្រសាសន៍ថា៖«បញ្ហាបង្គន់នេះមិនមែនលំបាកតែសិស្សទេ ប៉ុន្តែសាលាពុំមានលទ្ធភាព»។
ដោយលោក ជៀម វឿន ពលរដ្ឋអ្នកសារព័ត៌មាន ខេត្ត កំពង់ធំ
