អង្គការសិទ្ធិមនុស្សមួយរបស់កូរ៉េខាងត្បូងឈ្មោះ ក្រុមប្រឹក្សាជាតិព្រះវិហារ បានប្រគល់រង្វាន់ផ្នែកលើកកម្ពស់សិទ្ធិមនុស្សនិង ប្រជាធិបតេយ្យ ដល់លោកកឹម សុខា អតីតប្រធានគណបក្សសង្គ្រោះជាតិដែលកំពុងជាប់ពន្ធនាគារ។
នៅក្នុងវិញ្ញាបនប័ត្រមួយដែលចេញកាលពីម្សិលមិញ មានដាក់ទង់ជាតិកម្ពុជានិងទង់ជាតិរបស់កូរ៉េខាងត្បូងទន្ទឹមគ្នា សរសេរអក្សរកូរ៉េខាងត្បូងនៅខាងលើនិងអក្សរអង់គ្លេសនៅខាងក្រោម។
វិញ្ញាបនប័ត្រនោះបញ្ជាក់ថា ការផ្តល់នេះ ដោយសារតែលោក កឹម សុខា ប្រឹងប្រែងក្នុងការផ្សព្វផ្សាយអំពីចំណេះដឹងសិទ្ធិមនុស្សនិងលទ្ធិប្រជាធិបតេយ្យដល់ប្រជាពលរដ្ឋកម្ពុជា។
ពិធីទទួលរង្វាន់កាលពីម្សិលមិញ មានលោក ស្រី មូរ សុខហួរ អតីតអនុប្រធាន និងលោក ញ៉ ចំរើន អតីតតំណាងរាស្ត្រគណបក្សសង្គ្រោះជាតិជាអ្នកទទួលជំនួស ខណៈលោក កឹម សុខា កំពុងជាប់ពន្ធនាគារ។
