កូរ៉េខាងជើងចាប់ផ្តើមផ្លាស់ប្តូរយុទ្ធនាការប្រឆាំងអាមេរិក ទៅជាយុទ្ធនាការធ្វើយ៉ាងណាឲ្យសេដ្ឋកិច្ចប្រទេសរីកចម្រើនវិញ។
នៅក្នុងប្រទេសកូរ៉េខាងជើងកន្លងមកមានការដាក់បដាតាមផ្លូវនឹងទីតាំងសំខាន់ៗ បង្ហាញពីរូបភាពនិងខ្លឹមសារអក្សរ ច្បាំង សម្លាប់ ទាហានអាមេរិក និងប៉ុនប៉ងរំលាយប្រទេសសម្ព័ន្ធអាមេរិកពីរទៀតគឺជប៉ុន និងកូរ៉េខាងត្បូង។
ប៉ុន្តែបើតាមការចុះផ្សាយរបស់BBCនៅថ្ងៃនេះ បានបញ្ជាក់ថា អ្នកទេសរចរដែលបានទៅដល់កូរ៉េខាងជើងបញ្ជាក់ថា នៅទីនោះមិនមានបដាដូចអតីតកាលនោះទេគឺមានតែបដា បង្ហាញពីសន្តិភាពនិងការអភិវឌ្ឍន៍ ដើម្បី ជំរុញឲ្យសេដ្ឋកិច្ ចមានការរីកចម្រើន។
ការផ្លាស់ប្តូរជំហរនេះ បន្ទាប់ពីមេដឹកនាំកូរ៉េខាងជើង ជួបមេដឹកនាំកូរ៉េខាងត្បូងកាលពីថ្ងៃទី២៧ខែមេសា និងបានជួប ជា មេដឹកនាំអាមេរិកកាលពីថ្ងៃទី១២ខែមិថុនា។ ក្នុងជំនួបនោះកូរ៉េខាងត្បូងនិងសហរដ្ឋអាមេរិកជំរុញឲ្យកូរ៉េខាងជើង លុប ចោលកម្មវិធីអាវុធនុយក្លេអ៊ែ ដើម្បីរក្សាសន្តិសុខ សន្តិភាពនៅក្នុងតំបន់ ហើយប្រទេសទាំងនោះ ធានាជួយ ជំរុញ ឲ្យ សេដ្ឋកិច្ចរបស់កូរ៉េខាងជើងមានការរីកចម្រើន។
ទោះយ៉ាងណារហូតដល់ពេលនេះ ទណ្ឌកម្មនៅលើប្រទេសកូរ៉េខាងជើងនៅតែមាន ដោយសារមិនទាន់មានការប្រ កាសជាផ្លូវការណាមួយថា កូរ៉េខាងជើងព្រមរំលាយចោលកម្មវិធីអាវុធនុយក្លេអ៊ែនោះទេ។