យ៉ាងហោចណាស់ផ្ទះប្រជាពលរដ្ឋ ៣១គ្រួសារ ស្ថិតក្នុងសង្កាត់បឹងទំពុន ខណ្ឌមានជ័យ ត្រូវបានខូចខាតទាំងស្រុង ក្រោយអគ្គីភ័យឆាប់ឆេះនៅព្រឹកថ្ងៃនេះ។ នេះបើតាមរបាយការណ៍របស់នគរបាលជាតិ។
នគរបាលជាតិ បានចុះផ្សាយថា អគ្គីភ័យនោះ បានកើតឡើងនាព្រឹកព្រលឹមថ្ងៃនេះនៅភូមិក្បាលទំនប់ទី៣ សង្កាត់បឹងទំពុនទី២ ខណ្ឌមានជ័យ ដោយថា អាចបណ្ដាលមកពីឆ្លងចរន្តអគ្គិសនី។
បើតាមការចុះផ្សាយដដែល អគ្គីភ័យនោះបានឆាប់ឆេះទាំងស្រុងនូវផ្ទះពលរដ្ឋ ២២ខ្នងដែលសង់ជាប់គ្នាៗ ប៉ុន្តែ មិនបណ្ដាលឲ្យមានមនុស្សស្លាប់នោះទេ។
តាមការចុះផ្សាយដដែល ក្នុងហេតុការណ៍នេះកម្លាំងសមត្ថកិច្ចបានប្រើប្រាស់រថយន្តពន្លត់អគ្គិភ័យអស់ ២៧គ្រឿង និងបានពន្លត់ឲ្យរលត់ជាអស់ នៅវេលាម៉ោង ៦និង២០នាទីព្រឹក៕