ក្រសួងធនធានទឹក និងឧតុនិយម អំពាវនាវដល់ទៅពលរដ្ឋឲ្យប្រុងប្រយ័ត្នពីអាកាសធាតុ ពិសេសអ្នកនេសាទ និងអ្នកធ្វើដំណើរតាមសមុទ្រ ដោយសារតែកម្ពុជា នៅបន្តរងឥទ្ធិពលខ្យល់មូសុងនិរតី និងជ្រលងសម្ពាធទាប បង្កឲ្យមានភ្លៀងធ្លាក់រាយប៉ាយឡើងវិញ ពីមធ្យមទៅច្រើន ចាប់ពីថ្ងៃទី៥ដល់ថ្ងៃទី១១ខែកក្កដានេះ។
ក្រសួងធនធានទឹក និងឧតុនិយម ឲ្យដឹងតាមសេចក្តីជូនដំណឹងចុះថ្ងៃទី៤ខែកក្កដានេះថា ខ្យល់មូសុងនិរតី បាននឹងកំពុងបង្កើឥទ្ធិពលសាជាថ្មី មកលើតំបន់មាត់សមុទ្រ និងជ្រលងសម្ពាធទាប(នៅលើផ្ទៃដី)កំពុងអូសបន្លាយ។
ក្រសួងឲ្យដឹងទៀតថា លក្ខខណបែបនេះ នឹងធ្វើឲ្យអាកាសធាតុនៅកម្ពុជា មានភ្ញៀវធ្លាក់ច្រើនជាបន្តបន្ទាប់ នៅតាមបណ្តាខេត្តជាប់មាត់សមុទ្រ និងមានភ្លៀវធ្លាក់រាយប៉ាយឡើងវិញ ពីមធ្យមទៅច្រើន ក្នុងក្របខ័ណ្ឌស្ទើរទូទាំងប្រទេស។
ក្រសួងធនធានទឹក និងឧតុនិយម បានរំឭកដល់ប្រជានេសាទ និងអ្នកធ្វើដំណើរតាមសមុទ្រ ឲ្យបង្កើនការប្រុងប្រយ័ត្នខ្ពស់ ដើម្បីជៀសវាងគ្រោះថ្នាក់ ដែលអាចកើតឡើងជាយថាហេតុ៕
