លោកនាយករដ្ឋមន្ត្រី ហ៊ុន សែន អះអាងថា រដ្ឋាភិបាលនឹងចេញសារាចរណ៍ណែនាំមិនឲ្យចែកចាយ និងផឹកគ្រឿងស្រវឹងនៅថ្ងៃបោះឆ្នោត ដោយថា ដើម្បីទប់ស្កាត់កុំឲ្យមានអំពើហិង្សា។
លោក ហ៊ុន សែន ថ្លែងបែបនេះក្នុងពិធីជួបសំណេះសំណាលជាមួយកម្មករ នៅស្រុកអង្គស្នួល ខេត្តកណ្តាល នាថ្ងៃព្រហស្បតិ៍នេះ។
លោកនាយករដ្ឋមន្ត្រី ហ៊ុន សែន
ប៉ុន្តែអតីមេដឹកនាំបក្សប្រឆាំង លោក សម រង្ស៊ី ដែលកំពុងនិរទេសខ្លួន បានសរសេរនៅលើគេហទំព័រហ្វេសប៊ុករបស់លោក នៅថ្ងៃទី៤ខែកក្កដានេះ បន្តអំពាវនាវកុំឲ្យពលរដ្ឋចេញទៅបោះឆ្នោត ប្រឆាំងទៅនឹងការដឹកនាំរបស់លោក ហ៊ុន សែន ។
លោក សម រង្ស៊ី អតីតប្រធានគណបក្សប្រឆាំង
ប៉ុន្តែ អ្នកវិភាគនយោបាយលោក បណ្ឌិត មាស នី ប្រាប់VODថា បើអ្នកនយោបាយខ្មែរនៅតែបន្តបោះដុំភ្លើងដាក់គ្នា នឹងធ្វើឲ្យប្រទេសជាតិប្រឈមនឹងជម្លោះផ្ទៃក្នុង៕
