បោះឆ្នោត

គណបក្សប្រជាធិបតេយ្យមូលដ្ឋានចាប់ផ្ដើមការឃោសនាដោយពីធីសាសនា

លោក ស៊ុន សុខេន
| ០៧ កក្កដា ២០១៨
ម៉ោង ១១:២២

គណបក្សប្រជាធិបតេយ្យធ្វើពិធីសាសនានៅលើកំពូលភ្នំដា ឃុំគោកធ្លក ស្រុកអង្គរបុរី ខេត្តតាកែវ។

គណបក្សប្រជាធិបតេយ្យមូលដ្ឋាន ចាប់ផ្ដើមការឃោសនារបស់ខ្លួនដោយការធ្វើពិធីបួងសួងបែបសាសនានៅលើទឹកដីអតីតរាជធានីដំបូងបង្អស់របស់កម្ពុជា។

យោងតាមសេចក្តីប្រកាសព័ត៌មានរបស់គណបក្សប្រជាធិបតេយ្យដែលចេញកាលពីថ្ងៃម្សិលមិញ គណបក្សនេះនឹងធ្វើពិធីបួងសួងសុំសេចក្តីចម្រើន ជោគជ័យនិងសច្ចាប្រណិធាននៅលើកំពូលភ្នំដា ឃុំគោកធ្លក ស្រុកអង្គរបុរី ខេត្តតាកែវ។

តាមប្រភពដដែល គណបក្សនេះនឹងធ្វើការឃោសនានេះចាប់ផ្ដើមពីកន្លែងបួងសួងរហូតដល់ទន្លេបាទីដោយឆ្លងស្រុកអង្គរបុរី ស្រុកព្រៃកប្បាស ស្រុកសំរោង និង ស្រុកបាទីខេត្តតាកែវ។

គណបក្សប្រជាធិបតេយ្យមូលដ្ឋានជាគណបក្សមួយក្នុងចំណោមគណបក្ស២០ទៀតដែលចូលរួមក្នុងការបោះឆ្នោតអាណត្តិទី៦ខាងខែកក្កដាខាងមុខនេះ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។