អង្ករនាំចេញធ្លាក់ចុះជិត៦%ក្នុងឆមាសទី១ឆ្នាំ២០១៨

របាយការណ៍របស់រដ្ឋាភិបាល​បង្ហាញថា ការនាំអង្ករចេញទៅលក់នៅទីផ្សារអន្តរជាតិ នៅក្នុងឆមាសទី១ឆ្នាំ២០១៨នេះ ធ្លាក់ចុះជិត៦% បើប្រៀបធៀបឆ្នាំ២០១៧។

របាយការណ៍របស់រដ្ឋាភិបាល​បង្ហាញថា ការនាំអង្ករចេញទៅលក់នៅទីផ្សារអន្តរជាតិ នៅក្នុងឆមាសទី១ឆ្នាំ២០១៨នេះ ធ្លាក់ចុះជិត៦% បើប្រៀបធៀបឆ្នាំ២០១៧។

របាយការណ៍លេខាធិការដ្ឋានច្រកចេញចូលតែមួយសម្រាប់បំពេញបែបបទនាំអង្ករចេញនៃក្រសួងកសិកម្មបានឲ្យដឹងថា ឆមាសទី១ឆ្នាំ២០១៨ កម្ពុជានាំអង្ករចេញបាន ២៧១ ៥៣៧តោន ខណៈឆមាសទី១ឆ្នាំ២០១៧នាំអង្ករចេញបាន ២៨៨ ៥៦២ ដែលចំនួននេះបង្ហាញថា ការនាំចេញឆ្នាំ២០១៨ធ្លាក់ចុះ៥,៩០%។​

​អគ្គនាយកនៃនាយកដ្ឋានកសិកម្មនៃក្រសួងកសិកម្ម លោក ហ៊ាន វណ្ណហន បានប្រាប់វីអូឌីថា ការនាំអង្ករចេញធ្លាក់ចុះនេះ ដោយសារតែ មានប្រទេសមួយចំនួនទិញស្រូវពីកម្ពុជាច្រើននាំឲ្យស្រូវក្នុងឃ្លាំងទុកសម្រាប់កិនជាអង្ករនាំចេញក៏ថយចុះដែរ។​

តាមលេខាធិការដ្ឋានច្រកចេញចូលតែមួយសម្រាប់បំពេញបែបបទនាំអង្ករចេញគឺមានប្រទេសបីដែលទិញអង្ករពីកម្ពុជា រួមមាន​ចិន ទិញ ៦ម៉ឺនតោន  បារាំង ចំនួន ៤ម៉ឺនតោន និងប្រទេស​ម៉ា ឡេស៊ី ចំនួន ២ម៉ឺនតោនជាង។

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។