មេកងអង្គរក្សលោក ហ៊ុន សែន បានចេញបទបញ្ជាឲ្យកូនចៅថ្នាក់ក្រោមបង្គាប់បញ្ឈប់ជាបន្ទាន់រាល់ការស្នើរសុំថវិកាឬគ្រឿងបរិភោគផ្សេងៗសម្រាប់បំប៉នដល់នាយទាហានពីចៅហ្វាយស្រុក-ខេត្ត រាជធានី ភ្ញៀវជាតិនិងអន្តរជាតិគ្រប់ខេត្តក្រុង។
យោងតាមដែលចុះហត្ថលេខាដោយលោក ហ៊ីង ប៊ុនហៀង មេបញ្ជាការបញ្ជាការដ្ឋានអង្គរក្សនាយករដ្ឋមន្រ្តី ហ៊ុន សែន ដែលចេញកាលពីម្សិលមិញនេះ មេអង្គរក្សរូបនេះបានចេញបញ្ជាបែបនេះគឺ ដើម្បីរក្សានូវសន្តិសុខ សេចក្តីថ្លៃថ្នូរ និងកិត្តិយសរបស់បញ្ជាការដ្ឋានអង្គរក្ស បញ្ជាការដ្ឋានផ្សេងៗ។
បទបញ្ជាដដែលក៏ហាមផងដែរដល់ក្រុមទាហានកងអង្គរក្សទាំងនោះ មិនត្រូវធ្វើការស្នើរសុំណាមួយនោះទេទៅកាន់ភ្ញៀវជាតិនិងអន្តរជាតិ មិនថាតាមការសរសេរឬផ្ទាល់មាត់ក៏ដោយ ដោយលើកឡើងថាការស្នើរសុំថវិកាទាំងនោះជាកាតព្វកិច្ចរបស់លោកហ៊ឹង ប៊ុនហៀងមេបញ្ជាការផ្ទាល់ និងលោក ហ៊ុយ ពិសិដ្ឋតែប៉ុណ្ណោះ។
បទបញ្ជាដដែលនេះ ក៏បានព្រមានផងដែរថា ក្នុងករណីចាប់បានទាហានណាដែលបំពានបំរាមទាំងនេះ បញ្ជាការដ្ឋាននឹងមានវិធានការដាក់ទណ្ឌកម្ម ឬបណ្តេញចេញពីកងអង្គរក្សឬជួរទាហានតែម្តង។
