បាតុករអង់គ្លេសរាប់ពាន់នាក់បានប្រមូលផ្ដុំគ្នានៅទីក្រុងឡុងកាលពីម្សិលមិញនេះ ដើម្បីប្រឆាំងនឹងដំណើរ ទស្សនកិច្ចរបស់ប្រធានាធិបតីសហរដ្ឋអាមេរិក លោកដូណាល់ ត្រាំ។
យោងតាមការចុះផ្សាយរបស់សារព័ត៌មាន BBC របស់អង់គ្លេសក្រុមបាតុករទាំងនោះចេញមកធ្វើបាតុកម្ម ប្រឆាំនឹងវត្តមានរបស់លោកកត្រាំដោយសារតែពួកគេមិនពេញចិត្តនឹងគោលនយោបាយនានារបស់លោកត្រាំដែលក្នុងនោះមានគម្រោងកសាងជញ្ជាំងព្រំដែនជាមួយមិកស៊ីកូ និងការដើរចេញរបស់អាមេរិកពីកិច្ចព្រៀមព្រៀងក្រុងប៉ារីសស្តីពីការប្រែប្រួលអាកាសធាតុជាដើម។
ក្រុមបាតុករទាំងនោះ ក៏បានបង្ហោះប៉េងប៉ោងកម្ពស់៦ម៉ែត្រដែលជារូបលោកដូណាល់ដែលមានលក្ខណៈកូនដែលមានស្លៀកខោទឹកនោម។ ក្រុមបាតុករទាំងនោះថា ការធ្វើប៉េងប៉ោងបែបនេះ ព្រោះពួកគេយល់ថាត្រាំតែងតែធ្វើចរឹកដូចកូនក្មេង នៅពេលដែលគាត់ខឹងអ្វីមួយ។
នេះជាដំណើរទស្សនកិច្ចលើកទី១ របស់លោកដូណាល់ ត្រាំ ទៅកាន់ប្រទេសអង់គ្លេសក្រោយលោកឡើងកាន់ដំណែងជាប្រធានាធិបតីសហរដ្ឋអាមេរិក។ ត្រាំនឹងបញ្ចប់ដំណើរទស្សនកិច្ចរបស់គាត់នៅអង់គ្លេសនៅថ្ងៃអាទិត្យស្អែកនេះ។
