បន្ទប់តូចៗធ្វើពីស័ង្កសី បានសាងសង់ឡើងជាជួរៗក្រោមស្ពានអាកាសស្ទឹងមានជ័យ សំរាប់ប្រជាពលរដ្ឋរស់នៅបណ្តោះអាសន្ន បន្ទាប់ពីសាលារាជធានីភ្នំពេញដាក់ចេញនូវគោលនយោបាយស្តារប្រឡាយទឹកស្អុយស្ទឹងមានជ័យ។
ដំណាក់កាលទី១ ប្រជាពលរដ្ឋជាងមួយរយគ្រួសារបានយល់ព្រមមករស់នៅបណ្តោះអាសន្នក្រោមស្ពានអាកាសស្ទឹងមានជ័យដែលស្ថិតនៅ ខណ្ឌមានជ័យ ប្រមាណ ២០០ម៉ែត្រពីភូមិរបស់ពួកគេដើម្បីឲ្យអាជ្ញាធរស្តារប្រឡាយទឹកស្អុយ និង រំដោះទឹកជំនន់ ក្នុងទីក្រុងភ្នំពេញ
ព្រមទាំង រៀបចំដីឡូតិ៍សំរាប់ចែកជូនពួកគាត់។ ផ្ទះប្រជាពលរដ្ឋមួយចំនួនបានតយ៉ាបចេញមកក្រៅដើម្បីប្រកបអាជីវកម្មនិងស្នាក់នៅ ពីព្រោះផ្ទះដែលអាជ្ញាធររាជធានីភ្នំពេញសាងសង់ជូនពួកគាត់តូចចង្អៀត ហើយគ្រួសារនីមួយៗមានសមាជិកច្រើន។
ប្រជាពលរដ្ឋរស់នៅក្រោមស្ពានបណ្តោះអាសន្ន និង ជាអ្នកលក់ឥវ៉ាន់ចាប់ហួយ អ្នកស្រី ខៀវ ស្រី ដែលមានសមាជិកគ្រួសារ១០នាក់ ប្រាប់វីអូឌីថា អ្នកស្រីបានមករស់នៅក្រោមស្ពានស្ទឹងមានជ័យ ក្នុងខែធ្នូ ឆ្នាំ២០១៧បន្ទាប់ពីគ្រួសារអ្នកស្រីយល់ព្រមចាកចេញបណ្តោះអាសន្នដើម្បីឲ្យអាជ្ញាធរក្រុងភ្នំពេញស្តាប្រឡាយទឹកស្អុយ។ ដោយសារសមាជិកក្នុងគ្រួសារច្រើន អ្នកស្រីបានតយ៉ាបផ្ទះដើម្បីលក់ដូរ និងសម្រាកពេលយប់។
និយាយបណ្ដើរដៃខ្ចប់បង្គាក្រៀមបណ្ដើរ អ្នកស្រី ខៀវ ស្រី បាននិយាយថា៖
បន្ទាប់ពីរៀបចំដីរួចរាល់ សាលារាជធានីភ្នំពេញកាលពីខែមិថុនាឆ្នាំ២០១៨ បានចែកដីឡូតិ៍ជូនប្រជាពលរដ្ឋជាង១៥០គ្រួសារដែលស្ម័គ្រចិត្តមករស់នៅក្រោមស្ពាន។ទោះបីជាការស់នៅក្រោមស្ពានជួនបញ្ហាលំបាកខ្លះក៏ដោយ គ្រួសារអ្នកស្រី ខៀវ ស្រី បន្តរស់នៅទីនោះទៀត ព្រោះគ្រួសារអ្នកស្រីមិនមានថវិកាគ្រប់គ្រាន់ក្នុងការសាងសង់ផ្ទះលើដីឡូតិ៍នោះដដែល។
ប្រជាពលរដ្ឋរស់នៅក្រោមស្ពានបណ្តោះអាសន្ន និង ជាអ្នកលក់ឥវ៉ាន់ចាប់ហួយ អ្នកស្រី ខៀវ ស្រី
ប្រជាពលរដ្ឋម្នាក់ទៀតដែលស្ម័គ្រចិត្តរស់នៅផ្ទះបណ្ដោះអាសន្នក្រោមស្ពានស្ទឹងមានជ័យមឈ្មោះ កាយ ឃឹង អាយុ ៦៥ឆ្នំា បានប្រាប់វីអូឌីឲ្យដឹងថា ដោយសារតែមានការចរចារជាមួយនឹងលក្ខខណ្ឌការដោះដូរជូនពលរដ្ឋ បានបន្ដរស់នៅលើទីតាំងចាស់បន្ទាប់ពីស្តាប្រឡាយទឹកស្អុយរួចរាល់និងមានផ្ទះបណ្ដោះអាសន្នសំរាប់ស្នាក់នៅ ទើបមានការរុះរើផ្ទះតាមសំណើររបស់សាលារាជធានីភ្នំពេញ។
អង្គុយយោគជើងលើគ្រែបណ្ដើរនិយាយបណ្ដើរ អ្នកស្រីឃឹង បាននិយាយថា៖
ប្រជាពលរដ្ឋម្នាក់ទៀតដែលរស់នៅក្រោមស្ពានស្ទឹងមានជ័យមឈ្មោះ កាយ ឃឹង អាយុ ៦៥ឆ្នំា
បើទោះបីជាមានការជួយជ្រោមជ្រែងពីសំណាក់សាលារាជធានីភ្នំពេញយ៉ាងណាក៏ដោយ អ្នកស្រី កាយ ឃឹង ថាគ្រួសារអ្នកស្រី និង ពលរដ្ឋមួយចំនួនដែលមានសមាជិកគ្រួសារច្រើនជួបការលំបាកដដែល ព្រោះផ្ទះបណ្ដោះអាសន្នដែលរៀបចំជូនប្រជាពលរដ្ឋ មានទំហំតូចក្នុងការរស់នៅ។
សើចបណ្ដើរលេងជាមួយចៅស្រីបណ្ដើរ អ្នកស្រី ឃឹង បាននិយាយថា៖
ប្រជាពលរដ្ឋម្នាក់ទៀតដែលរស់នៅក្រោមស្ពានស្ទឹងមានជ័យមឈ្មោះ កាយ ឃឹង អាយុ ៦៥ឆ្នំា
អ្នកស្រីឃឹង បានបន្ថែមទៀតថា ជារៀងរាល់ថ្ងៃក៏មានការរំខានពីសម្លេងយានយន្ដ ដែលបើកបរលើស្ពាន ហើយក៏ធ្វើឲ្យអ្នកស្រីមានអារម្មណ៍ភ័យនិងដេកមិនលក់ផងដែរនៅពេលមានគ្រោះថ្នាក់ចរាចរណន៍នៅក្បែរនោះម្ដងៗ។
ប្រជាពលរដ្ឋម្នាក់ទៀតដែលរស់នៅក្រោមស្ពានស្ទឹងមានជ័យមឈ្មោះ កាយ ឃឹង អាយុ ៦៥ឆ្នំា
អ្នកនាំពាក្យសាលារាជធានីភ្នំពេញ លោក ម៉េត មាសភក្ដី បាននិយាយថា ដើម្បីសម្រួលដល់ការរស់នៅរបស់ប្រជាពលរដ្ឋ សាលារាជធានីភ្នំពេញក៏បានសាងសង់ផ្ទះ ជាមួយនឹងការរៀបចំទាំងប្រព័ន្ធទឹកភ្លើង ផ្នែកសន្ដិសុខ ព្រមទាំងដាក់រថយន្តពេទ្យសំរាប់មើលការខុសត្រូវបងប្អូនប្រជាពលរដ្ឋដែលរើចេញពីទីតាំងចាស់នោះ។
លោក ម៉េត មាសភក្ដី បានឲ្យដឹងថា គម្រោងរៀបចំកាយសំរាមនៅតាមប្រឡាយទឹកស្អុយស្ទឹងមានជ័យ គឺដើម្បីបើកផ្លូវប្រឡាយទឹកដែលកកស្ទះដោយសំរាមបោះចោលដោយប្រជាពលរដ្ឋរស់នៅទីនោះ ជាហេតុធ្វើឲ្យស្ទះទឹកពីទីតាំងផ្សេងៗ និងម្យ៉ាងទៀតចង់រៀបចំការរស់នៅរបស់ប្រជាពលរដ្ឋឲ្យមានភាពស្របច្បាប់ផងដែរ។
អ្នកនាំពាក្យសាលារាជធានីភ្នំពេញ លោក ម៉េត មាសភក្ដី
អភិបាលសាលារាជធានីភ្នំពេញ លោក ឃួង ស្រង បានមានប្រសាសន៍ថា អាជ្ញាធរនិងក្រុមការងារអ្នកជំនាញបានចំណាយពេលលើការកាយសំរាមចេញពីប្រឡាយនិងការចាក់ដីបំពេញលើសពីការរំពឹងទុករហូតដល់ទីបីខែឯណោះ ព្រោះបរិមាណសំរាមមានច្រើនទើបមានការចំណាយពេលយូរក្នុងការបញ្ចប់ដំណាក់កាលនេះ។
អភិបាលសាលារាជធានីភ្នំពេញ លោក ឃួង ស្រង
អ្នកស្រី ខៀវ ស្រី ពេញចិត្តចំពោះគម្រោងរៀបចំសាជាថ្មីដើម្បីឲ្យប្រជាពលរដ្ឋមានសិទ្ធិរស់នៅលើប្រឡាយទឹក តែអ្នកស្រីសំណូមពរឲ្យមានការជួយជ្រោមជ្រែងជាថវិការខ្លះក្នុងការកសាងផ្ទះថ្មីលើដីឡូតិ៍ដែលសាលាក្រុងភ្នំពេញបានពុះចែកជូនកាលពីពេលថ្មីៗនេះ។
អ្នកស្រីបាននិយាយប្រាប់វីអូឌីទាំងទឹកមុខក្រៀមក្រំថា៖
ឆ្លើយតបសំណូមពររបស់ប្រជាពលរដ្ឋ លោក មាសភក្តី បាននិយាយថា សាលារាជធានីភ្នំពេញពុំមានគោលការណ៍ផ្តល់ថវិកាសាងសង់ផ្ទះថ្មីជូនពួកគាត់នោះទេ។
យោងតាមសេចក្ដីប្រកាសសាលារាជធានីភ្នំពេញ បានអោយដឹងថា ដើម្បីបើកមុខទឹកតាមប្រឡាយស្ទឹងមានជ័យ និងផ្លូវអមប្រឡាយស្ទឹងមានជ័យ ក្នុងការដោះស្រាយទឹកជំនន់នៅរដូវវស្សាក្នុងភូមិសាស្រ្តខណ្ឌមានជ័យ រដ្ឋបាលរាជធានីភ្នំពេញ បាននិងកំពុងរៀបចំគម្រោងស្ថាបនាមាត់ប្រឡាយទឹកស្អុយស្ទឹងមានជ័យ សងខាងជាបេតុង កាត់បន្ថយការលិចទឹកនៅផ្លូវលេខ ២០០៤ ស ឡា ផ្លូវ ណ័រប្រ៊ីត ផ្លូវ ទ្រុងមាន់។