លោកនាយករដ្ឋមន្ត្រីហ៊ុន សែននៅថ្ងៃនេះ បានរំឭកជាថ្មីទៀត ឲ្យកម្មករត្រៀមលក្ខណៈសម្រាប់ទៅបោះឆ្នោតនៅថ្ងៃទី២៩ខែកក្កដា។
នៅព្រឹកនេះ លោកធ្វើដំណើរទៅតាមរោងចក្រមួយចំនួននៅភ្នំពេញ ហើយលោកទទួល ទានអាហារ និងថតរូបជាមួយកម្មករ។
លោកនាយករដ្ឋមន្ត្រីមិនបានថ្លែងសារដូចពេលមុនៗនោះទេ ប៉ុន្តែលោកសរសេរនៅលើហ្វេសប៊ុកដោយភ្ជាប់រូបជាមួយកម្មករថា លោកមានការសប្បាយរីករាយ។
លោកបានចោទជាសំនួរដល់កម្មករថា៖
តើក្មួយៗបានត្រៀមខ្លួនទៅបោះឆ្នោតហើយឬនៅ នៅថ្ងៃទី ២៩ កក្កដា ខាងមុខនេះ? សូមកូនក្មួយត្រៀមអត្តសញ្ញាណប័ណ្ណទុកទៅបោះឆ្នោតផង ព្រោះសំខាន់ណាស់
លោកនាយករដ្ឋមន្ត្រីក៏បានស្នើឲ្យកម្មករបោះឆ្នោតឲ្យគណបក្សលោកដោយថា ដើម្បីមានសន្តិភាព មានការងារធ្វើ និងអាចបើកប្រាក់ខែ១ខែពីរដងជាដើម។