ក្រសួងមហាផ្ទៃបានសម្រេចទទួលស្គាល់សមាជវិសាមញ្ញរបស់«គណបក្សខ្មែររួបរួមជាតិ» ដែលជ្រើសរើសលោក ញឹក ប៊ុនឆៃ ជាប្រធានគណបក្សខ្មែររួបរួមជាតិឡើងវិញ។
យោងតាមលិខិតរបស់ក្រសួងមហាផ្ទៃចុះថ្ងៃទី១៧ ខែកក្កដា ក្រសួងនេះបានទទួលស្គាល់សមាជវិសាមញ្ញរបស់គណបក្សខ្មែររួបរួមជាតិ ដោយអនុម័តយកលោក ញឹក ប៊ុនឆៃ ឲ្យជាប្រធានគណបក្ស ជំនួសលោក សឹង្ហ គិរី ដែលបានសុំលាលែងស្របតាមច្បាប់ស្តីពីគណបក្សនយោបាយ និងលក្ខន្តិកៈរបស់ខ្លួន។
លោក ញឹក ប៊ុនឆៃ ធ្លាប់ជាប្រធានគណបក្សខ្មែររួបរួមជាតិកាលពីឆ្នាំ២០១៦ ហើយបានលាលែងពីតំណែងនេះវិញដោយសារតែលោកត្រូវបានចាប់ខ្លួន កាលពីដើមខែសីហា ឆ្នាំ២០១៧ ពីបទចោទពាក់ព័ន្ធនឹងបទល្មើសគ្រឿងញៀន កាលពីឆ្នាំ២០០៧។
