លោកនាយករដ្ឋមន្ត្រី ហ៊ុន សែន រំឭកឲ្យសមាជិកគណបក្សប្រជាជនកម្ពុជា កុំបោះឆ្នោតឲ្យគណបក្សផ្សេងៗ។
មុនចាប់ផ្តើមហែក្បួនថ្ងៃឃោសនាធំចុងក្រោយនៅថ្ងៃនេះ លោកនាយករដ្ឋមន្ត្រី ហ៊ុន សែន ថ្លែងថា សមាជិកគណបក្សទាំងអស់ត្រូវគោរពតាមលក្ខខន្តិកៈរបស់គណបក្ស និងគោរពតាមការសច្ចាប្រណិធានថា ត្រូវបោះឆ្នោតឲ្យគណបក្សប្រជាជនកម្ពុជា។
លោកនាយករដ្ឋមន្ត្រី បានបញ្ជាក់ថា សមាជិកគណបក្សប្រជាជនកម្ពុជាមានចំនួនជាង៥លាននាក់។
បន្ទាប់ពីការថ្លែងសាររួចលោកនាយករដ្ឋមន្ត្រីបានដើរពីកោះពេជ្រ ជួបអ្នកគាំទ្ររហូតដល់កន្លែងវេទិកានៅមុខវត្តបុទុមវតី និងបន្តថ្លែងសារនយោបាយនៅទីនោះទៀត៕