សន្តិសុខ

នគរបាលជាតិដាក់កម្លាំងការពារតាមស្ថានទូត

លោក ហួត វុទ្ធី
| ០១ សីហា ២០១៨
ម៉ោង ១៧:២២

នៅថ្ងៃទី៣១ ខែកក្កដា ឆ្នាំ ២០១៨នេះ កម្លាំងជំនាញ នៃការិយាល័យបច្ចេកទេសការពារ ចំនួន ១៦នាក់ របស់នាយកដ្ឋាននគរបាលការពារ ដឹកនាំដោយលោកវរសេនីយ៍ឯក ហម ក្លេន នាយការិយាល័យបច្ចេកទេសការពារ បានចុះ ល្បាតត្រួតពិនិត្យតាមបណ្តាគោលដៅ និងស្ថានទូត ដើម្បីការពារសុវត្ថិភាព សន្តិសុខ និងសណ្តាប់ធ្នាប់ (រូបភាព៖ អគ្គស្នងការនគរបាលជាតិ)

អគ្គស្នងការដ្ឋាននគរបាលជាតិ ដាក់កម្លាំងចុះល្បាតការពារគោលដៅ និងតាមបណ្តាស្ថានទូត ដើម្បីធានាដល់កិច្ចការពារសុវត្ថិភាព សន្តិសុខ និងសណ្តាប់។ នេះបើតាមគេហទំព័រអគ្គស្នងការដ្ឋាននគរបាលជាតិ។

គេហទំព័រនគរបាលជាតិផ្សាយឲ្យដឹងនៅរសៀលថ្ងៃនេះថា នាយកដ្ឋាននគរបាលការពារបានដាក់កម្លាំងចំនួន១៨នាក់ ចុះល្បាតត្រួតពិនិត្យតាមបណ្តាគោលដៅ និងស្ថានទូត ដើម្បីការពារសុវត្ថិភាព សន្តិសុខ និងសណ្តាប់ធ្នាប់។

អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់ VOD បន្ថែមថា នេះមិនមែនជារឿងប្លែកទេ ក្នុងនាមជាម្ចាស់ផ្ទះត្រូវតែការពារតាមស្ថានទូតជារឿងធម្មតាប៉ុណ្ណោះ។

គេហទំព័រដដែលឲ្យដឹងទៀតថា កម្លាំងទាំងអស់ត្រៀមលក្ខណៈសម្បត្តិរួចជាស្រេចដើម្បីទទួលនូវរាល់បទបញ្ជារបស់អគ្គស្នងការដ្ឋាននគរបាលជាតិផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។