មេដឹកអតីតបក្សប្រឆាំងសាខាសហរដ្ឋអាមេរិក អះអាងថា ប្រជាពលរដ្ឋខ្មែរនៅក្រៅប្រទេសនឹងប្រមូលផ្តុំគ្នាធ្វើបាតុកម្ម មុខស្នាក់ការកណ្តាលរបស់អង្គការសហប្រជាជាតិនៅទីក្រុងញូវយ៉ក ខណៈមេដឹកនាំកម្ពុជា លោកហ៊ុន សែន នឹងទៅប្រជុំនៅទីនោះ។
លោក ផាន ប្រាក់ ដែលអះអាងថា ជាតំណាងអតីតគណបក្សសង្គ្រោះជាតិប្រចាំនៅសហរដ្ឋអាមេរិក បានប្រាប់វីអូឌី នៅថ្ងៃនេះថាគោលបំណងនៃការធ្វើបាតុកម្មនេះគឺដើម្បីឲ្យពិភពលោកដឹងថាប្រទេសកម្ពុជាសព្វថ្ងៃជួបនូវបញ្ហាប្រឈមជាច្រើនដូចជា ការរំលាយអតីបក្សប្រឆាំង ការបោះឆ្នោតដែលមិនត្រឹមត្រូវ ការរំលោភសិទ្ធិមនុស្ស សេរីភាពបញ្ចេញមតិ និង សេរីភាពសារព័ត៌មានជាដើម។
តំណាងអតីតគណបក្សសង្គ្រោះជាតិប្រចាំនៅសហរដ្ឋអាមេរិករូបនេះបានបន្ថែមថា៖
លោក ផាន ប្រាក់ តំណាងអតីតគណបក្សសង្គ្រោះជាតិប្រចាំនៅសហរដ្ឋអាមេរិក
អ្នកនាំពាក្យគណបក្សប្រជាជនកម្ពុជាលោក សុខ ឥសាន បានច្រានចោលការលើកឡើងនេះ ដោយលោកថាការបោះឆ្នោតបង្ហាញថាកម្ពុជាកំពុងដើរលើគន្លងប្រជាធិបតេយ្យហើយថាអន្តរជាតិក៏មិនអាចជ្រៀតជ្រែកកិច្ចការផ្ទៃក្នុងរបស់កម្ពុជាបានដែរ។
អ្នកនាំពាក្យគណបក្សប្រជាជនកម្ពុជាលោក សុខ ឥសាន
អ្នកនាំពាក្យរូបនេះបានប្រដូចការធ្វើបាតុកម្មនេះថា៖
អ្នកនាំពាក្យគណបក្សប្រជាជនកម្ពុជាលោក សុខ ឥសាន
ប្រធានក្រុមអ្នកវិភាគវ័យក្មេង លោក ហង្ស វិទូ យល់ថា បញ្ហានយោបាយនៅកម្ពុជា សហគមន៍អន្តរជាតិពិតជាបានដឹង ប៉ុន្តែលោកថាការប្រមូលផ្តុំគ្នាធ្វើបាតុកម្មនៅមុខការិយាល័យអង្គការសហប្រជាជាតិ ជាសម្ពាធមួយទៀតជំរុញឲ្យពិភពលោកកាន់តែចាប់អារម្មពីបញ្ហាប្រជាធិបតេយ្យនៅកម្ពុជា ។
អ្នកវិភាគវ័យក្មេងរូបនេះយល់ថា ការធ្វើបាតុកម្មរបស់ពលរដ្ឋខ្មែរនៅក្រៅប្រទេសថ្មីត្បិតគ្មានឥទ្ធិពលភ្លាមៗដល់ចរន្តនយោបាយនៅកម្ពុជាក៏ពិតមែន ប៉ុន្តែសំឡេងរិះគន់តាមរយៈប្រមូលផ្តុំគ្នាធ្វើបាតុកម្មនៅក្រៅប្រទេសជាបន្តបន្ទាប់មកនេះ ហាក់បានក្រើនរំឭកឲ្យអ្នកនយោបាយដើរទៅមុខក្នុងស្ថានភាពប្រយ័ត្នប្រយែងជាងមុន។
មេដឹកនាំបក្សកាន់អំណាចនិងជាបេក្ខភាពនាយករដ្ឋមន្រ្តី លោក ហ៊ុន សែន គ្រោងចេញទៅចូលរួមមហាសន្និបាទអង្គការសហប្រជាជាតិនៅខែតុលា ក្រោយពីបង្កើតរដ្ឋាភិបាលថ្មីរួចរាល់៕