អន្តរជាតិ

អ្នកស្លាប់ដោយសារទឹកជំនន់នៅឥណ្ឌាកើនដល់ជាង៣០០នាក់

លោក ស៊ុន សុខេន
| ១៨ សីហា ២០១៨
ម៉ោង ១៦:៥៦

ក្រុមអ្នកជួយសង្គ្រោះបានជម្លៀសប្រជាជនចេញពីតំបន់រងគ្រោះដោយទឹកជំនន់នៅ Thiruvananthapuram នៅថ្ងៃពុធទី 15 ខែសីហាឆ្នាំ 2018 ។ PTI

ជនរងគ្រោះដែលស្លាប់បាត់បង់ជីវិតដោយសារគ្រោះទឹកជំនន់ដ៏អាក្រក់មួយដែលកំពុងកើតឡើងនៅរដ្ឋ ឃឺរ៉ាឡា (Kerala) ភាគខាងជើងនៃប្រទេសឥណ្ឌា បានកើងឡើងរហូតដល់ជាង៣០០នាក់។

ប្រមុខរដ្ឋឃឺរ៉ាឡាលោក Pinarayi Vijayan បានសរសេរនៅលើTwitter របស់លោកកាលពីយប់ម្សិលមិញថាមនុស្ស៣២៤នាក់បានស្លាប់ ចាប់តាំងពីមានទឹកជំនន់ជន់លិចរដ្ឋនេះ។ លោក Pinarayi Vijayan បានឲ្យដឹងថាគ្រោះទឹកជំនន់នេះជាទឹកជំនន់ដ៏សែនអាក្រក់មួយដែលកើតឡើងក្នុងរដ្ឋរបស់លោកក្នុងរយៈពេលមួយសតវត្សមកនេះ។

តាមលោក Pinarayi Vijayan ពេលនេះទំនប់ចំនួន៨០ត្រូវបានបើកដើម្បីរំដោះទឹក ហើយប្រជាជននតំបន់នេះចំនួន២២៣១៣៩នាក់ត្រូវបានជម្លៀសទៅជំរំជាង១៥០០។

ជាធម្មតាភ្លៀងតែងធ្លាក់ច្រើននៅរដ្ឋឃឺរ៉ាឡានារដូវវស្សា ប៉ុន្តែភ្លៀងចាប់ផ្ដើមធ្លាក់ខ្លាំងជាងធម្មតារាប់សិបដងចាប់តាំងពីថ្ងៃទី១៤សីហាមកដោយសារតែតំបន់នេះបានរងប្រព័ន្ធសម្ពាធទាប។ តាមអាជ្ញាធរឥណ្ឌា រដ្ឋនេះនឹងប្រឈមនឹងធ្លាក់ខ្លាំងទៀតនៅចុងសប្តាហ៍នេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។