បរិស្ថាន

កង្វះខាតគោលនយោបាយជាឧបសគ្គក្នុងការអភិវឌ្ឍថាមពលកកើតឡើងវិញ

ដោយ វីអូឌី
| ១៨ សីហា ២០១៨
ម៉ោង ១៦:៤៥

សិក្ខាសាលាពិព្រោះយោបល់ គោលនយោបាយជំរុញវិស័យថាមពលកកើតឡើងវិញ ថ្ងៃទី ១៦ សីហា ២០១៨ (រូបភាព៖ ហ្វេសប៊ុក UNIDO Cambodia)

ឧបសគ្គមួយដែលរារាំងដល់កម្ពុជាមិនអាចចាប់យកឱកាសក្នុងការប្រើប្រាស់ថាមពលកកើតឡើងវិញឲ្យបានពេញលេញនោះគឺកង្វះខាតក្របខ័ណ្ឌគោលនយោបាយ។

សេចក្តីប្រកាសព័ត៌មានរបស់អង្គការអភិវឌ្ឍន៍ឧស្សាហកម្មសហប្រជាជាតិ(UNIDO)និងកម្មវិធីអភិវឌ្ឍន៍សហប្រជាជាតិ (UNDP) ដែលចេញផ្សាយកាលពីថ្ងៃទី១៦ខែសីហា បានលើកឡើងថាបញ្ហាប្រឈមមួយដែលរារាំងកម្ពុជាមិនមានឱកាសក្នុងការប្រើប្រាស់ថាមពលកកើតឡើងវិញគឺដោយតែភាពខ្វះចន្លោះនៃក្របខ័ណ្ឌគោលនយោបាយដែលបង្កលក្ខណៈងាយស្រួលដល់ការអភិវឌ្ឍវិស័យនេះ។

ប្រភពដដែលបានឲ្យដឹងថាកម្ពុជាមិនទាន់បានកំណត់ឲ្យបានច្បាស់លាស់នៅឡើយទេពីគោលដៅនិងផែនការគោលថាពេលណាទើបជាពេលកំណត់ក្នុងការចាប់យកការប្រើប្រាស់ថាមពលកកើតឡើងវិញ។

លើសពីនេះទៅទៀតគោលនយោបាយថាមពលមិនបានផ្តល់ភាពច្បាស់លាស់ណាមួយសម្រាប់វិនិយោគិនទេ ព្រោះថាអគ្គិសនីដែលផលិតបានតាមរយៈថាមពលកកើតឡើងវិញ មិនត្រូវបានអនុញ្ញាតឱ្យភ្ជាប់ទៅនឹងបណ្តាញអគ្គីសនីមេរបស់ជាតិទេក្រៅតែពីគម្រោងផលិតថាមពលព្រះអាទិត្យសាកល្បងនៅទីក្រុងបាវិតដែលទទួលហិរញ្ញប្បទានពីធនាគារអភិវឌ្ឍន៍អាស៊ីមួយប៉ុណ្ណោះ។

ប្រភពខាងលើឲ្យដឹងថាវិស័យអគ្គិសនីនៅកម្ពុជាបានរីកចម្រើនគួរឲ្យកត់សម្គាល់ដោយពេលនេះ៧១,៥ភាគរយនៃគ្រួសារកម្ពុជាមានអគ្គិសនីប្រើប្រាស់ ហើយកម្ពុជាមានគោលដៅសម្រេចឲ្យបាន៩០ភាគរយនៅឆ្នាំ២០១៣០៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។