ព័ត៌មានបឋមឲ្យដឹងថា មានករណីប្លន់ធនាគារមួយកន្លែងនៅម្ដុំសាលាវ៉ាន់ដា តាមបណ្ដោយផ្លូវម៉ៅសេទុង សង្កាត់ទំនប់ទឹក ខណ្ឌចំការមន រាជធានីភ្នំពេញ នៅមុននេះបន្តិច ខណៈពេលនេះអាជ្ញាធរកំពុងប្រមូលព័ត៌មាន និងធ្វើការស៊ើបអង្កេត។
បើតាមការផ្សព្វផ្សាយនិងអ្នកឆ្លើយឆ្លងព័ត៌មានវីអូឌី ករណីប្លន់នេះ កើតឡើងចំពោះធនាគារ RHB IndoChina Bank។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា ក្រុមចោរប្លន់នោះមានគ្នា៥នាក់។ អ្នកនាំពាក្យនគរបាលជាតិ លោក គៀត ច័ន្ទថារិទ្ធិ និងអ្នកនាំពាក្យកងរាជអាវុធហត្ថលើផ្ទៃប្រទេស លោក អេង ហ៊ី បញ្ជាក់ថាដូចគ្នាថា ពេលនេះសមត្ថកិច្ចកំពុងស្រាវជ្រាវ ហើយមិនទាន់ដឹងថា ក្រុមនោះជាជនជាតិអ្វីនៅឡើយទេ។
វី.អូ.ឌី នឹងធ្វើការជូនព័ត៌មានលម្អិតនៅពេលបន្ទាប់។