នៅពេលដែលប្រទេសកម្ពុជាធ្លាក់ចូលទៅក្នុងភ្លើងសង្រ្គាមហើយគ្រប់គ្រងដោយរបបខ្មែរក្រហមក្នុងឆ្នាំ១៩៧៥ ប្រជាជនខ្មែរមួយចំនួនបានរត់ភៀសខ្លួនទៅរស់នៅជំរុំក្នុងប្រទេសថៃ។
ក្រោយមក ប្រជាពរដ្ឋមួយចំនួនត្រូវបានបញ្ជូនទៅរស់នៅប្រទេសផ្សេងៗ រួមមាន អូស្ត្រាលី កាណាដា បារំាង អង់គ្លេស សហរដ្ឋអាមេរិក និងប្រទេសជាច្រើនទៀតលើសកលលោក។
បន្ទាប់ពីរស់នៅប្រទេសទាំងនោះជាច្រើនឆ្នាំ ពួកគាត់បានទទួលសញ្ជាតិ ប៉ុន្តែប្រជាពលរដ្ឋមួយចំនួនពុំបានទទួលសញ្ជាតិនោះទេព្រោះពួកគាត់មិនបានគោរពតាមលក្ខខណ្ឌមួយចំនួន។
សំរាប់អ្នកដែលពុំបានទទួលសញ្ជាតិ ពួកគាត់ប្រឈមុខក្នុងការបញ្ជូនត្រឡប់មកប្រទេសកំណើតវិញនៅពេលដែលពួកគាត់បានប្រព្រឹត្តិបទល្មើសផ្សេងៗ ជាពិសេសអ្នករស់នៅប្រទេសអាមេរិក។ នៅក្នុងឆ្នាំ២០១៧ និង២០១៨មានប្រជាជនខ្មែរអាមេរិក ជាច្រើនត្រូវបានបញ្ជូនត្រឡប់មកពីសហរដ្ឋអាមេរិក ដោយអ្នកខ្លះមិនចេះនិយាយភាសាខ្មែរ និងអ្នកខ្លះទៀតមិនធ្លាប់មកលេងប្រទេសកម្ពុជានោះទេ។
អ្នកស្រី ម៉ូលី (Molly) អាយុ៣៦ឆ្នាំ រស់នៅសហរដ្ឋអាមេរិកជាង៣០ឆ្នាំ ជាមនុស្សម្នាក់ក្នុងចំណោម៤៣នាក់ ដែលរដ្ឋាភិបាលអាមេរិកបញ្ជូនត្រឡប់មកកម្ពុជាវិញ កាលពីខែមេសា ឆ្នាំ២០១៨។ អ្នកស្រី ម៉ូលី ត្រូវបានចាប់ខ្លួននៅឆ្នាំ២០០៨ ដោយជាប់ពាក់ព័ន្ធបទល្មើសគ្រឿងញៀនហើយឃុំខ្លួននៅក្នុងពន្ធនាគារចំនួន៦ឆ្នាំ។ នៅក្នុងឆ្នាំ២០១៧ ប៉ូលិសអាមេរិកបានចាប់អ្នកស្រីឃុំម្តងទៀតដើម្បីបញ្ជូនមកកម្ពុជា។
អ្នកស្រី Molly បានសំដែងនូវអារម្មណ៍សោកស្តាយ នូវអ្វីដែលគាត់បានធ្វើកន្លងមក។ ដោយសារតែកំហុសមួយនេះ បានធ្វើឲ្យជីវិតរបស់គាត់កែប្រែទាំងស្រុង។ កាលពីដំបូងអ្នកស្រីមិនគិតថាការដែលបញ្ជូនមក ប្រទេសកម្ពុជាជាការពិតនោះទេ។ អ្នកស្រីគិតថាវាគ្រាន់តែជាការយល់សុបិនតែប៉ុណ្ណោះ ក៏ប៉ុន្តែបន្ទាប់ពី ធ្វើដំណើរជិត៣៦ម៉ោងលើយន្តហោះ អ្នកស្រីបានប្រាកដថាវាជារឿងពិតហើយ ព្រោះគាត់បានមកដល់ ទឹកដីប្រទេសកម្ពុជាហើយ។ អ្នកស្រីម៉ូលី បានឃ្លាតឆ្ងាយពីក្រុមគ្រួសារនិងកូនៗដែលកំពុងរស់នៅសហរដ្ឋអាមេរិក។
អ្នកស្រី ម៉ូលី បាននិយាយទាំងទឹកមុខស្រពោនថា៖
អ្នកស្រី ម៉ូលី (Molly) អាយុ៣៦ឆ្នាំ រស់នៅសហរដ្ឋអាមេរិកជាង៣០ឆ្នាំ
អ្នកស្រី ម៉ូលី បានបន្តថាអ្នកស្រីមានអារម្មណ៍ខ្លាចផង និង ភ័យផងពេលដែលមកដល់ទឹកដីប្រទេសកម្ពុជាដំបូង បើទោះបីជាអ្នកស្រីមានឈាមជ័រជាខ្មែរក៏ដោយ ប៉ុន្តែទឹកដីមួយនេះជាកន្លែងដែលមិនធ្លាប់រស់នៅនិងមិនស្គាល់នណាម្នាក់នោះទេ ព្រោះអ្នកស្រីមានទីកំណើតក្នុងជំរុំភៀសខ្លួននាប្រទេសថៃ។
អង្គុយលើប៉ៅអ៊ីក្នុងបន្ទប់ជួលមួយ អ្នកស្រី ម៉ូលី បាននិយាយថា៖
អ្នកស្រី ម៉ូលី (Molly) អាយុ៣៦ឆ្នាំ រស់នៅសហរដ្ឋអាមេរិកជាង៣០ឆ្នាំ
អតីតម្ចាស់ក្រុមហ៊ុនថ្នាំលាបផ្ទះម្នាក់នេះថាការរស់នៅប្រទេសកម្ពុជាវាខុសគ្នាក្នុងការរស់នៅប្រទេសអាមេរិកយ៉ាងខ្លាំង ហើយអ្នកស្រី មានឧបសគ្គមួយចំនួនក្នុងការរស់នៅទីនេះ ដោយអ្នកស្រីពិបាករកការងារធ្វើ។ ដោយសារជីវប្រវត្តិមិនល្អនៅសហរដ្ឋអាមេរិក អ្នកស្រីពិបាក្នុងការស្វែងរការងារធ្វើ និងមានការរើសអើង។
អ្នកស្រី ម៉ូលី (Molly) អាយុ៣៦ឆ្នាំ រស់នៅសហរដ្ឋអាមេរិកជាង៣០ឆ្នាំ
ការកសាងជីវិតថ្មីលើទឹកដីប្រទេសកម្ពុជាហាក់បីដូចជាមានឧបសគ្គច្រើនសំរាប់អ្នកស្រី ម៉ូលី បើទោះបីជាអ្នកស្រី ចេះនិយាយភាសាខ្មែរក៏ដោយ។ ការវាយតំលៃសមត្ថភាពខុសគ្នាដែលធ្វើឲ្យ អ្នកស្រីមានភាពលំបាកក្នុងការរកការងារធ្វើ ហើយអ្នកស្រីមិនចង់ធ្វើការទុច្ចរិតទៀតនោះឡើយ។ អ្នកស្រីមានការខ្វះខាតថវិកាសំរាប់បង់ថ្លៃបន្ទប់ជួល។
អ្នកស្រី ម៉ូលី (Molly) អាយុ៣៦ឆ្នាំ រស់នៅសហរដ្ឋអាមេរិកជាង៣០ឆ្នាំ
មិនមែនតែអ្នកស្រី ម៉ូលី នោះទេដែលមានបញ្ហាលំបាករកការងារធ្វើ អ្នកស្រីនិយាយថាអ្នកដែលបញ្ជូនត្រឡប់មកពីអាមេរិកភាគច្រើនមានការពិបាកក្នុងការរកការងារធ្វើនៅប្រទេសកម្ពុជា ព្រោះពួកគេមានបញ្ហាជីវប្រវត្តិនៅអាមេរិក ហើយជាពិសេសគឺអ្នកដែលមិនទាន់មានអត្តសញ្ញាណប័ណ្ណជនជាតិ ខ្មែរ និងឯកសារមួយចំនួនដោយពួកគាត់មិនមានលទ្ធភាពក្នុងការបង់ប្រាក់ធ្វើក្រដាសស្នាមទាំងនោះឡើយ។
អគ្គនាយករង និងជាអ្នកនាំពាក្យអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ លោក ប្រុក ម៉ៃឧត្តម បានប្រាប់ VODឲ្យដឹងតាមទូរសព្ទថា ក្រសួងផ្តល់ជូននូវការធ្វើឯកសារគោលដោយមិនគិតថ្លៃសំរាប់អ្នកដែលបញ្ជូនពីអាមេរិកមកកម្ពុជា ហើយខាងក្រសួងកំពុងតែធ្វើកិច្ចការមួយនេះ។
អគ្គនាយករង និងជាអ្នកនាំពាក្យអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ លោក ប្រុក ម៉ៃឧត្តម
លោក ម៉ៃឧត្តម បានបន្តថាអគ្គនាយកដ្ឋានអត្តសញ្ញាណកម្មបានធ្វើការជាមួយនឹងអង្គការក្រៅរដ្ឋាភិបាលដែលពាក់ព័ន្ធមួយចំនួនក្នុងការជួយអ្នកទាំងនោះ។
អគ្គនាយករង និងជាអ្នកនាំពាក្យអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ លោក ប្រុក ម៉ៃឧត្តម
នាយកប្រតិបត្តិអង្គការគាំពារពលរដ្ឋខ្មែរគ្មានទីពឹង លោក តាន់ សូនិក បានឆ្លើយតបVOD តាមសារអេឡិត្រូនិចថា អង្គការរបស់លោកផ្តល់នូវជំនួយមួយចំនូនសំរាប់អ្នកដែលបានបញ្ជូនមកកម្ពុជាវិញមានដូចជា ការផ្តល់នូវកន្លែងស្នាក់នៅបណ្តោះអាសន្ន ឯកសារផ្សេងៗជាដើម និងការហ្វឹកហាត់នូវជំនាញមួយចំនួនរួមទាំងភាសាខ្មែរផងដែរ។
ក្រៅពីការផ្តល់ជូននូវការហ្វឹកហ្វឺនចំនេះដឹងនិងជំនាញមួយចំនួន អង្គការគាំពារពលរដ្ឋខ្មែរគ្មានទីពឹង ក៏ជួយអ្នកដែលបញ្ជូនមកពីអាមេរិកក្នុងការស្វែងរកការងារមានដូចជា ការធ្វើប្រវត្តិការងារ ចំណាប់អារម្មណ៍ការងារ និងឯកសារសំខាន់ផ្សេងៗ។ពួកគាត់មួយចំនួនប្រឈមនឹងការរើសអើងពីសំណាក់អ្នកក្នុងតំបន់ក៏ប៉ុន្តែពួកគេជាច្រើននៅតែទទួលបាននូវការងារ ហើយប្រមាណជា ៧០%ទៅ ៧៥% កំពុងតែធ្វើការក្នុងប្រទេសកម្ពុជា។
អ្នកនាំពាក្យស្ថានទូតអាមេរិកលោក Arend C Zwartjes បានឆ្លើយតបVOD តាមសារអេឡិត្រូនិច កាលពីថ្ងៃទី២២ ខែសីហា ឆ្នាំ២០១៨ បានឲ្យដឹងថា ស្ថានទូតអាមេរិកនៅតែបន្តការធ្វើការជាមួយនឹងរដ្ឋាភិបាលកម្ពុជាក្នុងការទទួលនូវអ្នកដែលមិនមានសិទ្ធិនឹងបន្តរស់នៅឯសហរដ្ឋអាមេរិកទៀត។
របាយការណ៍អង្គការអង្គការគាំពារពលរដ្ឋខ្មែរគ្មានទីពឹងឲ្យដឹងថា ចំនួនពលរដ្ឋខ្មែរដែលប្រព្រឹត្តបទល្មើសហើយត្រូវអាមេរិកបញ្ជូនមកមានចំនួន៦៣៩នាក់ ក្នុងនោះ ប្រុស៦២៣នាក់ ស្រី ១៦នាក់។ ចំនួននេះ មិនទាន់រាប់បញ្ជូនចំនួន៣០នាក់ ដែលទើបបញ្ជូនមកកាលពីខែសីហា ឆ្នាំ២០១៨នោះទេ។
របាយការណ៍អង្គការនេះ បញ្ជាក់ទៀតថា ពលរដ្ឋខ្មែរដែល បញ្ជូនមកចំនួន២៩នាក់ស្លាប់ ក្នុងនោះ២នាក់ស្លាប់ដោយធ្វើអត្តឃាត។