ក្រសួងពាណិជ្ជកម្មជំរុញទៅកាន់ម្ចាស់ផលិតផលខ្មែរទាំងឲ្យចូលរួមតាំងពិព័រណ៍ក្នុងឱកាសពិធីបុណ្យសមុទ្រ ដើម្បីលើកកម្ពស់ការប្រើប្រាស់ផលិតក្នុងស្រុកឲ្យបានច្រើន។
ក្នុងសេចក្តីប្រកាសព័ត៌មានចុះថ្ងៃទី៧ ខែកញ្ញានេះ ក្រសួងពាណិជ្ជកម្មបានលើកឡើងថាក្នុងឱកាសបុណ្យសមុទ្រឆ្នាំ២០១៨ ក្រសួងរៀបចំពិព័រណ៍ពាណិជ្ជកម្មផលិតផលខ្មែរ ដើម្បីពញ្ញាក់ស្មារតីមហាជនខ្មែរទូទៅឲ្យងាកមកគាំទ្រផលិតផលក្នុងស្រុកឲ្យបានច្រើន។ ជាមួយគ្នានោះក្រសួងនឹងប្រមូលកៀងគរផលិតផលខ្មែរមានគុណភាព និងសុវត្ថិភាពសម្រាប់អ្នកប្រើប្រាស់ មានការវេចខ្ចប់ត្រឹមត្រូវមកតាំងបង្ហាញ និងស្វែងរកដៃគូរយកទៅលក់បន្ត។
ក្រសួងជំរុញដល់អ្នកដែលមានបំណងចង់ចូលរួមតាំងបង្ហាញផលិតផលខ្មែរក្នុងព្រឹត្តិការណ៍នេះ អាចមកដាក់ពាក្យចូលរួម បានតាមរយៈនាយកដ្ឋានកិច្ចការពាណិជ្ជកម្មនៃអគ្គនាយកដ្ឋានជំរុញពាណិជ្ជកម្ម។
គួរបញ្ជាក់ផងដែរថា ពិធីបុណ្យសមុទ្រឆ្នាំ២០១៨នេះ នឹងប្រព្រឹត្តិទៅចាប់ពីថ្ងៃទី១៣ ដល់ថ្ងៃទី១៦ ធ្នូ ក្នុ្ងងខេត្តកោះ កុង៕