អតីតមន្ត្រីស្និទ្ធជាមួយលោក ហេង ពៅ ស្លាប់ក្នុងពេលឃុំឃាំង

មន្ត្រីជាន់ខ្ពស់អគ្គនាយកដ្ឋានពន្ធនាគារឲ្យដឹងថា ទណ្ឌិត ហង្ស វុទ្ធី ហៅ យមរាជ (រូបភាព៖ Khmertime)

មន្ត្រីជាន់ខ្ពស់អគ្គនាយកដ្ឋានពន្ធនាគារឲ្យដឹងថា ទណ្ឌិត ហង្ស វុទ្ធី ហៅ យមរាជ ដែលជាអតីតមន្ត្រីនគរបាល និងជាដៃស្តាំរបស់អតីតស្នងការនគរបាលរាជធានីភ្នំពេញ ហេង ពៅ បានស្លាប់ដោយសារជំងឺក្នុងពេលដែលលោកជាប់ឃុំ។

អ្នកនាំពាក្យអគ្គនាយកដ្ឋានពន្ធនាគារ លោក នុត សាវនា បញ្ជាក់ប្រាប់ VOD នៅថ្ងៃនេះថា ទណ្ឌិត ហង្ស វុទ្ធី បានស្លាប់នៅមន្ទីរពេទ្យមិត្តភាពខ្មែរសូវៀត(ពេទ្យរុស្សី) កាលពីថ្ងៃទី១០កញ្ញាកន្លងទៅនេះ ដោយសារជំងឺក្រិនថ្លើមរ៉ាំរ៉ៃ និងឈឺសួត។ លោកបន្ថែមថា ខាងគ្រួសារបានទទួលសពយកទៅធ្វើបុណ្យតាំងពីថ្ងៃស្លាប់និងបានចេញលិខិតមរណៈភាពរួចហើយ។

កាលពីឆ្នាំ២០០៦ មានព័ត៌មានស្តីពីអ្នកទោសមួយក្រុមហែកគុកព្រៃសចេញ ហើយក្នុងចំណោមនោះ គឺមានឈ្មោះហង្ស វុទ្ធីហៅយមរាជដែលត្រូវបានចាប់ខ្លួនកាត់ទោសជាមួយក្រុមអតីតស្នងការរាជធានីភ្នំពេញ ហេង ពៅ ក្នុងសំណុំរឿងឧក្រិដ្ឋជាច្រើនកាលពីដើមឆ្នាំនោះ។
សូមបញ្ជាក់ថា ហង្ស វុទ្ធី ធ្លាប់ត្រូវបានតុលាការកាត់ទោសពីបទមនុស្សឃាត ជម្រិតទារប្រាក់ និងការឃុំខ្លួនមនុស្សខុសច្បាប់ពាក់ព័ន្ធទៅនឹងការរៀបចំគម្រោងសម្លាប់អ្នកកាសែត ចៅក្រម ព្រះរាជអាជ្ញា មន្ត្រីអាវុធហត្ថ និងមន្រ្តីអគ្គិសនី៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ