គណៈកម្មការអឺរ៉ុបប្រកាសនៅថ្ងៃសុក្រនេះ ពីដំណើរការនីតិវិធីក្នុងការដកប្រព័ន្ធអនុគ្រោះពន្ធពីប្រទេសកម្ពុជា និង មីយ៉ាន់ម៉ា ដោយលើកហេតុផលថា មានការរំលោភសិទ្ធិមនុស្សធ្ងន់ធ្ងរ។
នៅក្នុងសេចក្តីប្រកាសរបស់គណៈកម្មការអឺរ៉ុបនៅថ្ងៃនេះបានលើកឡើងពីបញ្ហានៅក្នុងប្រទេសមីយ៉ាន់ម៉ាថា រដ្ឋាភិបាលប្រទេសនេះប្រព្រឹត្តិអំពើប្រល័យពូជសាសន៍ និងឧក្រិដ្ឋកម្មប្រឆាំង មនុស្សជាតិ ដែលប្រព្រឹត្តិទៅលើជនជាតិភាគតិចរ៉ូហ៊ីងយ៉ា។
ចំណែកនៅក្នុងប្រទេសកម្ពុជាវិញ អឺរ៉ុបលើកឡើងថា មួយរយៈចុងក្រោយនេះ មានការធ្លាក់ចុះ ខ្លាំងការគោរពសិទ្ធិមនុស្ស និង សិទ្ធិការងារ។ អឺរ៉ុប ក៏បានលើកឡើងថា ការបោះឆ្នោតកាល ពីខែកក្កដា មានការបំភិតបំភ័យផងដែរ។
សេចក្តីប្រកាសនេះ បញ្ជាក់ថា ប្រទេសទាំងពីរមិនបានប្រឹងប្រែងធ្វើឲ្យមានភាព ប្រសើរឡើងទេ បើទោះបីជាគណៈកម្មការស្វែងរកការពិតរបស់អឺរ៉ុបស្រាវជ្រាវហើយផ្តល់ អនុសាសន៍ឲ្យមានការកែប្រែក៏ដោយ។
ទោះយ៉ាងណាអឺរ៉ុបបញ្ជាក់ថា នៅមិនទាន់ដល់ដំណាក់កាលដាច់ខាតនោះទេ គឺនៅតែបើក ផ្លូវក្នុងការចរចាជាមួយប្រទេសទាំងពីរនេះ។
បើពិនិត្យលើបរិបទអន្តរជាតិក៏មានប្រទេសមួយចំនួនត្រូវបានអឺរ៉ុប ព្យួរនិងដកប្រព័ន្ធអនុគ្រោះពន្ធនេះដែរដោយសារមិនគោរពលក្ខខណ្ឌ។ ប្រទេសដែលត្រូវអឺរ៉ុបដកប្រព័ន្ធអនុគ្រោះពន្ធរួមមាន Azerbaijan និង Iran ចំណែកប្រទេសត្រូវបានព្យួររួមមាន Belarus និង Myanmar។
អានបន្ថែម៖
During the conference @MalmstromEU also discussed the situation with Myanmar🇲🇲 and Cambodia🇰🇭 pic.twitter.com/ZXiDkCSPVH
— EU Trade 🇪🇺 (@Trade_EU) October 5, 2018
អត្ថបទទាក់ទង៖