អគ្គិសនីកម្ពុជាបានជូនដំណឹងថា នៅរសៀលនេះ លោតឌីស្យុងទ័រទ្វារចរន្តតង់ស្យុងខ្ពស់ ២៣០គីឡូវ៉ុល ពីអនុស្ថានីយ៍តាកែវ (GS TK) តភ្ជាប់មករាជធានីភ្នំពេញ បណ្តាលឲ្យដាច់ចរន្តអគ្គិសនីនៅរាជធានីភ្នំពេញ និងខេត្តមួយចំនួន។
តាមសេចក្តីជូនដំណឹងរបស់អគ្គិសនីកម្ពុជានៅរសៀលនេះ ឱ្យដឹងថា ក្រុមការងារបច្ចេកទេសកំពុងធ្វើការពិនិត្យ ដើម្បីស្តារប្រព័ន្ធ និងភ្ជាប់ចរន្តជូនអតិថិជនឲ្យឆាប់មានចរន្តអគ្គិសនីប្រើប្រាស់ឡើងវិញ។
អគ្គិសនីកម្ពុជាក៏បានស្នើសុំការយោគយល់ពីអតិថិជនទាំងអស់ ហើយថា នឹងធ្វើបច្ចុប្បន្នភាពជូន។ ទោះយ៉ាងណា អគ្គិសនីមិនទាន់បញ្ជាក់ថា ត្រូវចំណាយពេលប៉ុន្មានដើម្បីតភ្ជាប់អគ្គិសនីឡើងវិញនេះទេ។