វៀតណាមទទួលបានការបោះឆ្នោតគាំទ្រឱ្យក្លាយជាសមាជិកក្រុមប្រឹក្សាសន្តិសុខមិនអចិន្ត្រៃយ៍របស់អង្គការសហប្រជាជាតិ(UN) សម្រាប់ឆ្នាំ២០២០ ដល់២០២១។
តាមការចុះផ្សាយរបស់ទីភ្នាក់ងារព័ត៌មានវៀតណាមគឺនៅក្នុងសន្និបាតរបស់អង្គការសហប្រជាជាតិកាលពីម្សិលមិញ វៀតណាមទទួលបានការបោះឆ្នោតគាំទ្រពី ប្រទេស និង តំបន់ជាសមាជិក១៩២ ក្នុងចំណោម១៩៣។
បន្ទាប់ពីទទួលបានការគាំទ្រ អនុរដ្ឋមន្ត្រីការបរទេសវៀតណាមលោក Le Hoai Trung ថ្លែងថា វៀតណាមពេញចិត្តលើការបោះឆ្នោតគាំទ្រនេះ ហើយប្តេជ្ញាបំពេញតួនាទីឱ្យបានល្អ។
នេះជាលើកទី២ហើយដែលវៀតណាមទទួលបានការគាំទ្រជាសមាជិកមិនអចិន្ត្រៃយ៍របស់ក្រុមប្រឹក្សាសន្តិសុខអង្គការសហប្រជាជាតិ។លើកទី១ វៀតណាមទទួលបានតួនាទីនេះ ពីឆ្នាំ២០០៨ ដល់២០០៩។