ក្រសួងសុខាភិបាល លើកឡើងថា គិតមកត្រឹមដើមខែ៧ នៃឆ្នាំ២០១៩នេះ ជំងឺគ្រុនឈាមសម្លាប់ជិវិតមនុស្សចំនួន២៥នាក់ កើនឡើងប្រមាណ៥ដងបើធៀបនឹងឆ្នាំមុន។
ក្នុងសេចក្តីប្រកាសព័ត៌មានចុះថ្ងៃទី១០ ខែកក្កដា នេះ ក្រសួងសុខាភិបាលបានលើកឡើងថា ជំងឺគ្រុនឈាមបានផ្ទុះឡើងខ្លាំងកាលពីដើមខែឧសភាកន្លងទៅ ដោយរាយប៉ាយនៅតាមភូមិសាស្ត្រខេត្តរាជធានីនានា ដែលការរាយការណ៍ពីការផ្ទុះជំងឺនេះ ចំនួន១ម៉ឺន៥ពាន់ករណី។
ក្រសួង ក៏បានឲ្យដឹងបន្ថែមផងដែរថា ក្រោយការធ្វើអន្តរាគមន៍ដាក់ថ្នាំសម្លាប់ដង្កូវទឹកនៅតាមភូមិសាស្ត្រខេត្តរាជធានីដែលមានជំងឺនេះកើតឡើង ឃើញថាខេត្តចំនួន១១ មានការមានការថយចុះជំងឺនេះ ខណៈខេត្តក្រចេះ កំពត ព្រៃវែង និងកែប មិនមានជំងឺនេះផ្ទុះឡើងឡើយ។
ដើម្បីទប់ស្កាត់ការរីករាលដាលនៃជំងឺគ្រុនឈាមនេះ ក្រសួងសុខាភិបាល អះអាងថា ខ្លួនបានត្រៀមថ្នាំសម្រាប់សម្លាប់ដង្កូវទឹក ១៨៤ តោន សម្រាប់ចែកឱ្យប្រជាពលរដ្ឋ ខណៈជំងឺបានផ្ទុះឡើងក្នុងទ្រង់ទ្រាយធំនៅឆ្នាំនេះ៕