មន្ត្រីជាន់ខ្ពស់ក្រសួងយុត្តិធម៌ពាក់ព័ន្ធជម្លោះដីធ្លីត្រូវដកតំណែង

មន្ត្រីជាន់ខ្ពស់ក្រសួងយុត្តិធម៌ពាក់ព័ន្ធជម្លោះដីធ្លីជាមួយប្រជាពលរដ្ឋ និងការកាន់កាប់ដីក្នុងតំបន់អភិរក្សនៅក្នុងខេត្តមណ្ឌលគិរី ត្រូវបានដកចេញពីតួនាទី។​

ព្រះរាជក្រឹត្យនៅថ្ងៃទី២៤ខែសីហានេះ តាមការស្នើឡើងរបស់លោកនាយករដ្ឋមន្ត្រីហ៊ុន សែន បានសម្រេចបញ្ចប់តួនាទីរបស់លោក សេង សុវណ្ណារ៉ា ពីអនុរដ្ឋលេខាធិការក្រសួងយុត្តិធម៌​។

លោក សេង សុវណ្ណារ៉ា កំពុងមានជម្លោះដីធ្លីជាមួយជនជាតិដើមភាគតិច៥៥គ្រួសារ នៅក្នុងស្រុកអូររាំងខេត្តមណ្ឌលគិរីលើទំហំដី៤៧២ហិកតា។ មន្ត្រីរូបនេះក៏រងការចោទប្រកាន់ថា កាន់កាប់ដីក្នុងតំបន់អភិរក្សភ្នំព្រិចខេត្តមណ្ឌលគិរីជិត១០០០ហិកតា តាំងពីខែមករាឆ្នាំ២០១៩ ហើយត្រូវដកហូតវិញនៅដើមខែសីហានេះ។​