រញ្ជួយដីកម្លាំង៥,២រិច្ឆទ័រញ័រនៅក្នុងទីក្រុងម៉ានីលប្រទេសហ្វីលីពីន នៅរសៀលថ្ងៃសុក្រនេះ។ នេះបើតាមអ្នកជំនាញភូមិសាស្ត្ររបស់សហរដ្ឋអាមេរិកធ្វើសេចក្តីប្រកាស។
ស្ថាប័នជំនាញតាមដានការរញ្ជួយដី និងបន្ទុះភ្នំភ្លើងរបស់ហ្វីលីពីនក៏បានបង្ហាញរបាយការណ៍បឋមដែរថា រញ្ជួយដីរសៀលនេះកើតឡើងក្នុងជម្រៅ១០គីឡូម៉ែត្រ។
អាជ្ញាធរកំពុងតែជម្លៀសប្រជាពលរដ្ឋរស់នៅក្នុងតំបន់ដែលរញ្ជួយដីនោះចេញពីអគារ នានា ហើយប្រកាសផ្អាកដំណើរការនៅតាមសាលារៀនមួយចំនួនផងដែរ។
នៅតាមសាកលវិទ្យាល័យនានា បានប្រកាសសញ្ញាអាសន្នឱ្យសិស្សមានការប្រុងប្រយ័ត្ន ហើយសាលាក៏តាមដានសញ្ញាគ្រោះថ្នាក់ពីការរញ្ជួយដីនេះផងដែរ។