Tillerson នឹងជួប​រដ្ឋមន្ត្រីការបរទេសអាស៊ាននៅខែឧសភា

រដ្ឋមន្ត្រីការបរទេសសហរដ្ឋអាមេរិក លោក​ Rex Tillerson នឹងជួបជាមួយ រដ្ឋមន្ត្រីការបរទេសអាស៊ាននៅថ្ងៃទី៤ ខែឧសភា នៅក្នុងទីក្រុងវ៉ាស៊ីនតោន ដែលជាផ្នែកមួយនៃការរៀបចំគម្រោងការប្រជុំកំពូលថ្នាក់តំបន់ នៅក្នុងខែវិច្ឆិកា។​ នេះបើតាមការអះអាងរបស់មន្ត្រីក្រសួងការបរទេសអាមេរិកនៅថ្ងៃព្រហស្បតិ៍ម្សិលមិញ។​

អនុរដ្ឋមន្ត្រីការបរទេសអាមេរិកទទួលបន្ទុក​កិច្ចការងារអាស៊ីអាគ្នេយ៍ ​លោក Patrick Murphy ថ្លែងថា រដ្ឋមន្ត្រីការបរទេសអាស៊ានទាំង១០ បានស្នើសុំជួបជាមួយរដ្ឋមន្ត្រីការបរទេសអាមេរិក​លោក​ Rex Tillerson ដើម្បីរឹតចំណងមិត្តភាពរវាងអាស៊ាន និង រដ្ឋមន្ត្រីអាមេរិកថ្មីដឹកនាំលោកប្រធានាធិបតី ដូណល ត្រាំ។​

Tillerson និងរដ្ឋមន្ត្រីជាច្រើនទៀត ទំនងនឹងពិភាក្សាពីពាណិជ្ជកម្ម   ការដោះស្រាយជម្លោះនៅសមុទ្រចិនខាងត្បូង បញ្ហាឧក្រិដ្ឋកម្ម និង បញ្ហាផ្សេងៗទៀត។​ នេះបើតាមសារព័ត៌មាន Channel News Asia។​

លោក Patrick Murphy ថ្លែងទៀតថា រដ្ឋមន្ត្រីការបរទេសអាមេរិក បានទទួលសំណើរ ពីរដ្ឋមន្ត្រីការបរទេសអាស៊ាន ហើយអនុញ្ញាតមានការជួបប្រជុំមួយនៅទីក្រុងវ៉ាស៊ីនតោន ហើយនឹងមានការរៀបចំគម្រោងប្រជុំជាច្រើនទៀត រួមទាំងការប្រជុំនៅក្នុងខែសីហាខាងមុខនៅក្នុងប្រទេសហ្វីលីពីន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ