រថភ្លើងនិងរថយន្តបានបុកគ្នានៅក្នុងខេត្តបន្ទាយមានជ័យនៅថ្ងៃនេះ បណ្តាលឲ្យបុរសម្នាក់ជាអ្នកបើករថយន្តរងរបួស។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា ហេតុការបុកនេះ កើតឡើងនៅត្រង់ចំណុច ភូមិអូរជ្រៅ សង្កាត់ប៉ោយប៉ែត្រ ក្រុងប៉ោយប៉ែត្រ ខេត្តបន្ទាយមានជ័យ។
របាយការណ៍សមត្ថកិច្ចបង្ហាញថា បុរសអ្នកបើករថយន្តរបួសស្រាល ខូចខាតរថយន្ត ចំណែកអ្នកនៅលើរថភ្លើងមិនមានរបួសទេ។ សមត្ថកិច្ចមិនទាន់បានបញ្ជាក់មូលហេតុដែលបណ្តាលឲ្យមានគ្រោះថ្នាក់ចរាចរណ៍នេះនៅឡើយទេ។